2022-2023 წლის შემოდგომის სემესტრიდან დაწყებული ილიას სახელმწიფო უნივერსიტეტი მოსამზადებელი კურსის საუკეთესო სტუდენტებს სწავლის სრულ ღირებულებას უნაზღაურებს. გასულ სასწავლო წელს ილიას სახელმწიფო უნივერსიტეტში 83 სტუდენტი მიიღეს, ხოლო სტუდენტებმა, რომლებმაც 46 ქულაზე მეტი დააგროვეს, უფასო დაშვების ბარიერი გადალახეს. აღნიშნული პროგრამის ფარგლებში მოსამზადებელი კურსის 10-მდე სომეხმა სტუდენტმა დაფინანსება მიიღო.
ილიას სახელმწიფო უნივერსიტეტი სტუდენტებს მოსამზადებელ კურსს (ქართული, როგორც მეორე ენა და ინტეგრაციის პროგრამა) სთავაზობს. მაღალკვალიფიციურ ანაზღაურებად სტუდენტებს, რომლებმაც სემესტრი საშუალო ქულით, 81+-ით დაასრულეს, 2022-2023 წლის შემოდგომის სემესტრში გადახდილი თანხა (1125 ლარი) დაუბრუნეს.
პროგრამის მიზანია განათლების გაუმჯობესებას შეუწყოს ხელი და ახალი საგანმანათლებლო გამოწვევების მისაღებად მოტივაცია აამაღლოს.
„საგნებს თავისი სირთულე აქვს. გარდა ამისა, ჩაბარებისთანავე ქართული ენის B1 საფეხურს ვსწავლობდი და ორი დამატებითი არჩევითი საგანი მქონდა. დაფინანსების მიღება კიდევ უფრო მეტ მოტივაციას გვაძლევს, შეუძლებელსაც კი ვაკეთებთ, რათა ყველა საგანი მაღალი შეფასებით დავხუროთ. პროგრამა ჩემთვის და უნივერსიტეტის ბევრი სტუდენტისთვის მოტივაცია გახდა“, – განმარტა სტუდენტმა ემილია ბლიკიანმა Jnews-თან საუბრისას.
სასწავლო წლის დასაწყისში ილიას სახელმწიფო უნივერსიტეტის რექტორმა, პროფესორმა ნინო დობოჟგინიძემ განაცხადა, რომ მაღალი აკადემიური მოსწრების მქონე სტუდენტებს, რომლებსაც სემესტრული შეფასება ყველა საგანში 81+ ქულა ექნებათ, სემესტრული სწავლის საფასური დაუბრუნდებათ.
„ველოდებოდი და ვიცოდი, რომ მოსამზადებელი კურსის დასრულების შემდეგ დაფინანსებას მივიღებდი. წერილი და თანხა ძალიან მოულოდნელად მივიღე, რომელიც ანგარიშზე მაშინვე ჩამერიცხა. ძალიან აღელვებული ვიყავი და ამ სემესტრშიც მაღალი აკადემიური მოსწრების ჩვენებას და კვლავ დაფინანსების მიღებას ვაპირებ. უნივერსიტეტის ასეთი პროგრამა ძალიან მომგებიანია“, – აცხადებს ემილია ბლიკიანი.
ილიას სახელმწიფო უნივერსიტეტის ბევრმა სტუდენტმა პროგრამის მიღების შემდეგ აიმაღლა აკადემიური მოსწრება. ეს პროგრამა მხოლოდ ილიას სახელმწიფო უნივერსიტეტში მოქმედებს და მხოლოდ მოსამზადებელი კურსის სტუდენტებზე ვრცელდება.
„აბიტურიენტების გამოცდებზე მთელი ძალით ვიბრძოდი, რომ უფასო განათლება მიმეღო, მაგრამ კონკურენცია ძალიან მაღალი იყო და უნივერსიტეტში უფასოდ ჩაბარება ვერ მოვახერხე. როდესაც ამ პროგრამის შესახებ შევიტყვე, ძალიან გამიხარდა, რადგან ეს ბრძოლისა და თავის უკეთ გარმოჩენის ახალი შესაძლებლობაა. მეც ვიბრძოდი, ძალიან მაღალი შეფასებები მივიღე და საუკეთესო მოსამზადებელი სტუდენტების რიგებს შევუერთდი. ძალიან მიხარია, რომ დაფინანსება მივიღე და იმავე ენთუზიაზმით ვიბრძოლებ, რომ გაზაფხულის სემესტრში მივიღო დაფინანსება“, – ჰყვება ანიტა ხზანიანი Jnews-თან ინტერვიუში.
ილიას სახელმწიფო უნივერსიტეტის რექტორის, პროფესორ ნინო დობოჟგინიძის თქმით, პროგრამა თანმიმდევრული იქნება. სტუდენტები ყოველწლიურად სწავლის საფასურს სასწავლო წლის დასაწყისში იხდიან, ხოლო ყოველი სემესტრის ბოლოს, ქულების შეჯამების შემდეგ, საუკეთესო სტუდენტებს სემესტრის საფასური დაუბრუნდებათ.
ჟანა ჩოგანდარიანი
