მთელის მსოფლიოში, კორონავირუსისგან მილიონზე მეტი ადამიანი განიკურნა. სტატისტიკას ჯონ ჰოპკინსის უნივერსიტეტი აქვეყნებს.
უნივერსიტეტის ვებსაიტზე გამოქვეყნებული ინფორმაციის თანახმად, ეპიდემიის დაწყებიდან დღემდე, კორონავირუსი 3 231 701 ადამიანს დაუდგინდა, მათგან 1 004 483 გამოჯანმრთელდა.
შესაბამისად, ინფიცირებულების მესამედმა შეძლო Covid- 19 დაძლევა.
ყველაზე მეტი განკურნებულია ესპანეთში – 137 984. მეორე ადგილზეა აშშ, სადაც კორონავირუსისგან 124 449 ადამიანი განიკურნა. მესამეზეა გერმანია – 123 500 განკურნებულით.
მთელი ამ დროის განმავლობაში კორონავირუსს 229 447 ადამიანი ემსხვერპლა.
ახალი კორონავირუსით დაინფიცირების პირველი შემთხვევა, 2019 წლის დეკემბერში ჩინეთში დარეგისტრირდა.
