უწყლობა, აფეთქებები, შიში, „სპეციალური ოპერაციის“ იძულებითი მხარდაჭერა და მრავალი სხვა – Jnews-ს ესაუბრა მამაკაცი, რომელიც ახლა დონეცკში, ომის პირობებში ცხოვრობს.
ჩვენი თანამოსაუბრის ოჯახი ბოლოს ჩამოვიდა, რადგან წყლის გარეშე სიცოცხლის მუდმივი საფრთხის ქვეშ დარჩენა აღარ შეიძლებოდა, ისინი ახალქალაქში დასახლდნენ. ჩვენი თანამოსაუბრე ვერ ტოვებს ქვეყანას, რადგან კაცებს დონეცკიდან არ უშვებენ, საბრძოლველად მიჰყავთ. თუმცა მაინც იმედოვნებს, რომ ოჯახთან შეერთების შესაძლებლობა ექნება.
„წყლის მარაგი რომ გვქონდეს, ერთი ერთი საათის განმავლობაში მივდივართ, წყალი კასრებით მოგვაქვს. წყალი ყოველ სამ დღეში ერთხელ მოდის და მხოლოდ პირველ სართულებზე, ანუ წყალი მეხუთე სართულამდე ვერ ადის. გვესმის სროლის ხმები. მეზობელ რაიონში გვესმის აფეთქება, ხოლო ახალ ამბებში ამბობენ, რომ უკრაინის მხრიდან მოფრინავს ბომბები. მაგრამ ისინიც ხომ ხალხი არიან, რომლებთანაც მიფრინავს, მათთვის სულერთია, სჯერათ, რომ დაზარალებულები არიან და სჯერათ, რასაც ეუბნებიან. ბევრი ადგილობრივი დაიღუპა ომში“, – ამბობს ის.
ადგილობრივი კაცები ძალით მიჰყავთ საბრძოლველად. არჩევანის უფლებას არ აძლევენ. ჩვენი თანამოსაუბრის თქმით, ისინი არ არიან მომზადებულები, არ გადიან არც ფიზიკურ და არც სამხედრო მომზადებას.
“ომის დროს დეზერტირობისთვის სჯიან. გარდა ამისა, აქ ოჯახები არიან მძევლად. ანუ თუ კაცი უარს იტყვის ბრძოლაზე, მაშინ ჩათვალეთ, რომ ოჯახს სამსახურს ჩამოართმევენ და დაწესდება გარკვეული სანქციები.”
თუმცა არის შემოვლითი გზები, რომლითაც ხალხი იქიდან გადის.
„ვინც იპოვის გზებს. არ არსებობს კარგად ჩამოყალიბებული სქემები. ზოგი მესაზღვრეებთან აწარმოებს მოლაპარაკებას, რომ აქედან წავიდეს, ხოლო ზოგი ყიდულობს დოკუმენტს, რომელიც საშუალებას აძლევს მობილიზაცია აიცილონ. აქ უფრო მეტად აწარმოებენ მოლაპარაკებას სამხედრო კომენდანტთან, კომისარიატთან“.
დონეცკში ძირითადად ხალხს აშინებენ.
„ისინიც კი, ვინც ოდესღაც უკრაინას უჭერდა მხარს, ახლა იძულებულნი არიან თქვან, რომ მხარს უჭერენ სპეცოპერაციას. მაგრამ გესმით, ვინც თავიდან უკრაინას უჭერდა მხარს, ბევრი მათგანი წავიდა, რეალურად ცოტა დარჩა რუსეთის წინააღმდეგი. დონეცკში, მაკეევკაში მოდიოდნენ ისინი, ვინც გარეუბანში ცხოვრობდნენ. ისინი, ვინც სახლები დაკარგეს. ითვლება, რომ ბინა აჩუქეს დონეცკში, მაკიივკაში, ამისთვის მადლობელი არიან“, – ამბობს დარიას ქმარი.
დონეცკი- ქალაქი აღმოსავლეთ უკრაინაში. უკრაინის კანონმდებლობის მიხედვით – დონეცკის ოლქის ადმინისტრაციული ცენტრი. 2014 წლის აპრილიდან არის დონეცკის დე-ფაქტო სახალხო რესპუბლიკის დედაქალაქი.
