საგანგებო რეჟიმის ან კარანტინის წესების განმეორებით დამრღვევს საქართველოში, 6 წლის ვადით პატიმრობა ემუქრება.
საქართველოს პარლამენტმა მესამე მოსმენით მიიღო საკანონმდებლო ცვლილება, კარანტინისა და თვითიზოლაციის წესების დარღვევის გამო ჯარიმისა და სისხლის სამართლის პასუხისმგებლობის შესახებ კანონში.
პარლამენტის გადაწყვეტილების თანახმად, “საზოგადოებრივი ჯანდაცვის შესახებ კანონთან” დაკავშირებით მიღებული ცვლილებით, თვითიზოლაციისა და კარანტინის წესების დარღვევის შემთხვევაში სასჯელი განისაზღვრა 2000 ლარიანი ჯარიმით ფიზიკური პირებისთვის, ხოლო 10 000 ლარი – იურიდიული პირების შემთხვევაში.
შენიშვნის სახით არსებულ ჩანაწერში აღნიშნულია, თვითიზოლაციის ან კარანტინის წესების დარღვევის შემთხვევაში, შინაგან საქმეთა სამინისტროს წარმომადგელენ უფლებამოსილ პირს აქვს უფლება კანონის დამრღვევი გონივრულ ვადებში გადაიყვანოს შესაბამის ადგილზე.
აგრეთვე, ცვლილებების შესაბამისად, პრეზიდენტის ბრძანებულებით, ან სხვა შესაბამისი ნორმატიული აქტებით განსაზღვრული საგანგებო, ან საომარი მდგომარეობის დარღვევა, მათ შორის, „საზოგადოებრივი ჯანმრთელობის შესახებ“ კანონით გათვალისწინებული იზოლაციისა და საკარანტინო წესების ჩათვლით, თუ ეს წესი არის საგანგებო ან საომარი მდგომარეობის ნაწილი, ისჯება ჯარიმით, ფიზიკური პირის შემთხვევაში 3 ათასი ლარის ოდენობით, ხოლო იურიდიული პირის შემთხვევაში 15 ათასი ლარის ოდენობით – თუ პრეზიდენტის ბრძანებულება სხვა რამეს არ ითვალისწინებს.
გარდა ამისა, ადმინისტრაციულ სამართალდარღვევათა კოდექსში და სისხლის სამართლის კოდექსში შეიტანეს ცვლილებები, როგორც ითვალისწინებს სასჯელს თავისუფლების შეზღუდვით.
კერძოდ, „საზოგადოებრივი ჯანმრთელობის შესახებ“ კანონით გათვალისწინებული თვითიზოლაციის, ან კარანტინის წესების დამრღვევი პირის მიმართ, შესაძლებელია გამოყენებულ იქნას ადმინისტრაციულ სამართალდარღვევათა კოდექსის (4210) მუხლის შესაბამისი ზომა და განესაზღვროს შინა პატიმრობა 6 თვიდან 2 წლის ვადით, ან 3 წლით პატიმრობა.
ამავე დებულების კომენტარში ნათქვამია, რომ ამ მუხლით გათვალისწინებული დარღვევების გამო, იურიდიული პირი ისჯება ჯარიმით და საქმიანობის უფლების ჩამორთმევით, ან კომპანიის ლიკვიდაციით და ჯარიმით.
გარდა ამისა, თუ პირი, რომელიც უკვე გაასამართლეს ადმინისტრაციულ კოდექსის ამ წესების დარღვევის გამო და განმეორებით ჩაიდენს დარღვევას, მაშინ, ბრალეულობის აღიარების შემთხვევაში, მას ექვსი წლით თავისუფლების აღკვეთა მიესჯება, თუ პრეზიდენტის ბრძანებულებით სხვა რამ არ არის დადგენილი.
ამ მუხლთან დაკავშირებით, ასევე მითითებულია, რომ იურიდიული პირი, კანონის განმეორებითი დარღვევის შემთხვევაში დაისჯება ჯარიმით, საქმიანობის უფლების ჩამორთმევით, ან ლიკვიდაციით და ჯარიმით, ამ მუხლით გათვალისწინებული ქმედებებისთვის. თუ სხვა რამ არ არის გათვალისწინებული საქართველოს პრეზიდენტის ბრძანებულებით.
წესი რეგულირდება სისხლის სამართლის კოდექსის ახალი – 359 პრიმა მუხლით.
ამ დრომდე, 359-ე მუხლი, სისხლის სამართლის კოდექსში ცვლილებების შეტანამდე, ეხებოდა „ომის დროს მოვალეობის არშესრულებას, ან გადასახადებისთვის თავის არიდებას”. სისხლის სამართლის კოდექსის ამ მუხლის თანახმად, “სამხედრო მობილიზაციის, ან სხვაგვარი მოვალეობების დროს, გადასახადებისთვის თავის არიდება ისჯება ჯარიმით, ან 2 წლით შრომა-გასწორების სამუშაოთი, ან თავისუფლების აღკვეთით 2-დან 5 წლამდე ვადით”.
საპარლამენტო უმრავლესობის ლიდერის, მამუკა მდინარაძის მიერ გაკეთებული განმარტებიდან გამომდინარე ირკვევა, რომ ხელისუფლებამ გადაწყვიტა ის ჯარიმები გააფორმოს იურიდიულად, რომლებიც პრეზიდენტის ბრძანებულებით გამოცხადებული საგანგებო რეჟიმის ფარგლებში დაწესდა.
”არსებობს სპეციალური რეგლამენტი, რომელიც გათვალისწინებულია პრეზიდენტის ბრძანებულებით, მაგრამ ეს ქმედება, როგორც დანაშაული, სისხლის სამართლის კოდექსში პირველად შევა. ეს აუცილებელი გახდა, რადგან ადმინისტრაციული ჯარიმის დაკისრების შემდეგ გაურკვეველი იყო, რა პასუხისმგებლობა ეკისრება პირს სისხლის სამართლის კოდექსის შესაბამისად. ასევე არის მითითება, რომ თუ პრეზიდენტის ბრძანებულებით სხვა რამ არის გათვალისწინებული, როგორც სასჯელი, ამ შემთხვევაში მოქმედია დეკრეტით გათვალისწინებული სანქცია”, – განმარტავს მდინარაძე.
