საქართველოში კორონავირუსით ინფიცირებული მეორე პაციენტი გარდაიცვალა.
ამის შესახებ ცოტა ხნის წინ თბილისის საუნივერსიტეტო კლინიკის დირექტორმა ლევან რატიანმა განაცხადა.
საუბარია თბილისის ზღვის ჰოსპიტალიდან გადმოყვანილ 81 წლის ქალზე, რომელიც კლინიკაში მძიმე მდგომარეობაში შეიყვანეს.
საქართველოში კორონავირუსით გარდაცვალების პირველი შემთხვევა გუშინ დაფიქსირდა.
გარდაცვლილი 79 წლის ქალია, რომელიც თსსუ-ის პირველ საუნივერსიტეტო კლინიკაში მკურნალობდა.
