სკოლამდელი ასაკის ბავშვებისთვის ბილინგვური განათლების ახალი მოდელი შემუშავდა, რომელიც ჯერ კიდევ ტესტირების პროცესშია. ახალი მეთოდოლოგია გულისხმობს ბავშვებთან მუშაობას სიტყვების შესასწავლად, საუბრის უნარ-ჩვევების გამომუშავებას და ისეთი გარემოს შექმნას, რომელშიც ბავშვი ქართულ ენას შეისწავლის, მაგალითად, თამაშების, მუსიკის, ვიდეოს სახით.
პროგრამას, რომლის ფარგლებშიც მიმდინარეობს განათლების ახალი მოდელის დანერგვა, ეწოდება – „ეროვნულ უმცირესობათა სასკოლო და სკოლამდელ დაწესებულებებში სახელმწიფო სტანდარტის დანერგვა“. მისი მიზანია ეროვნული უმცირესობების სასკოლო და სკოლამდელ დაწესებულებებში სახელმწიფო სტანდარტების დანერგვა.
პროგრამის ერთ-ერთი მნიშვნელოვანი მისიაა სახელმწიფო ენის ცოდნის დონის ამაღლება ადრეული ასაკიდან, განათლების ხარისხის გაუმჯობესება და სხვა. სკოლამდელი დაწესებულებები, ისევე, როგორც მრავალი სხვა დაწესებულება, კვირაში 5 დღის განმავლობაში მუშაობენ, პროგრამაში ჩართული სკოლამდელი დაწესებულებები გაკვეთილებს 5-დან 2 დღემდე მთლიანად ქართულ ენაზე ატარებენ, დღის თემას სპეციალურად დაწერილი გეგმისა და სახელმძღვანელოების მიხედვით გადიან.
Jnews-ი მარიანა კარაპეტიანს ესაუბრა, რომელიც ნინოწმინდის მე-2 მოსამზადებელ სკოლაში ამ პროგრამის კოორდინატორად მუშაობს და პროექტის ფარგლებში ასევე, სკოლამდელი ასაკის ბავშვებთან მუშაობს. იგი აღნიშნავს, რომ ამჟამად მიმდინარეობს კვლევები იმის გასარკვევად, თუ რამდენად ეფექტიანია პროგრამა და რა შედეგების მიღწევა შეიძლება ორ წელიწადში.
„როდესაც პირველად წავედი სამსახურში, აღმზრდელებს ჰქონდათ ერთგვარი თავდაცვა. არ იციან რისთვის მოხვედი, სრულიად უცნობ მოდელს უწევენ პროპაგანდას, ისეთი შთაბეჭდილება აქვთ, რომ შეიძლება მათთვის საშიშროებას წარმოადგენდე, ან კონკურენტი იყო. ასევე, ძალიან რთულია მათთან ურთიერთობის დამყარება, რადგან ადამიანები ხშირად არ არიან მზად ისწავლონ რაიმე ახალი, გამოიყენონ პრაქტიკაში. ყოველთვის ცდილობენ დაამტკიცონ, რომ ყველაფერი იციან“, – ამბობს მარიანა.
მისი თქმით, საბავშვო ბაღების უმეტესობა არ არის ორიენტირებული განათლებაზე, ხალხი აღიქვამს მათ, როგორც ადგილს, სადაც შეუძლიათ უსაფრთხოდ დატოვონ ბავშვი, დღის ბოლოს მივიდნენ და შინ წაიყვანონ.
კითხვაზე, რამდენად მნიშვნელოვანია ქართული ენის სწავლა ადრეული ასაკიდან, რა შედეგი შეიძლება მოჰყვეს მას მომავალში, გვიპასუხა:
„პროგრამა მოიცავს, როგორც სკოლამდელ დაწესებულებებს, ასევე სკოლებს, როდესაც ბავშვს ბავშვობიდან აქვს საფუძველი, ცოდნა, ლექსიკა, ის უფრო მეტად ვითარდება სკოლაში. არ არის გამორიცხული, ენას უკეთ ფლობდეს, არ ექნება ბევრი ის სირთულე, რასაც ადამიანები 18-19 წლის ასაკიდან, ენის ინტენსიური სწავლის დაწყებისას აწყდებიან. ასევე მნიშვნელოვანია აღვნიშნო, რომ ადამიანის ცხოვრებაში ყველაფრის ადვილად აღქმის პერიოდი 5-6 წლამდეა და ამ ასაკში ძალიან მნიშვნელოვანია ბავშვებთან ძალიან სწორად და კომპეტენტურად მუშაობა“, – ამბობს მარიანა კარაპეტიანი.
აღსანიშნავია, რომ ახალქალაქის მუნიციპალიტეტში 16 საბავშვო ბაღი ფუნქციონირებს, მათგან 3 ალტერნატიულია. ახალქალაქის საბავშვო ბაღების ასოციაციის დირექტორის, ანაჰიტ ასატურიანის თქმით, ყველა სკოლამდელი დაწესებულება ორენოვან განათლებას ახორციელებს. ახალქალაქის N1 სკოლამდელი დაწესებულება სწორედ ამ პროგრამის ფარგლებში მუშაობს. რაც შეეხება ნინოწმინდის რეგიონს, ამ პროგრამით ორენოვანი განათლება მიიღება, როგორც ნინოწმინდის მე-2 საბავშვო ბაღში, ასევე სოფლების – ეშტიასა და ფოკას ბაღებში, ხოლო სექტემბრიდან ნინოწმინდის №1, სათხასა და განძის სკოლამდელი დაწესებულებები იმუშავებენ. შეუერთდით ორენოვან განათლებას.~
ლიდა ალმასიანი
