ახალქალაქის რაიონის სოფელ გომანში საფეხბურთო ტურნირი იმართება, სადაც ახალქალაქისა და ნინოწმინდის 30-მდე სხვადასხვა სოფლის ფეხბურთის გუნდი მონაწილეობს. მემორიალური ტურნირი ვალერიკ ეგიკიანის ხსოვნას ეძღვნება.
ვალერიკ ეგიკიანი სოფელ გომანიდანაა და მრავალი წლის განმავლობაში აბულის გუნდში თამაშობდა, გომანის საჯარო სკოლაში ფიზკულტურის მასწავლებლად მუშაობდა. 2020 წელს გარდაიცვალა, 23 ოქტომბერს კი მისმა ვაჟებმა სოფლის სტადიონი გაარემონტეს და ძეგლიც დაუდგეს.
ფინალში გასასვლელად სოფლების: იხტილას, კუმურდოს, კორხის, გომანის, ოლავერდისა და ჯიგრაშენის გუნდები იბრძოდნენ. ფინალური ტური 24 ოქტომბერს გაიმართება.
