ნინოწმინდის მუნიციპალიტეტის სოფელ სამებაში 100%-ზე მეტი აქტივობა განხილვის საგანი გახდა. Jnews-მა გადაწყვიტა გაერკვია სინამდვილეში რა და როგორ მოხდა.
სოფელ სამებაში კენჭისყრის ოქმის თანახმად, ნინოწმინდის N15 საარჩევნო უბანზე, რომლის დასკანერებული ვერსია ცესკოს ვებგვერდზეა ატვირთული, საარჩევნო უბანზე 62 ამომრჩეველია რეგისტრირებული. ამავე უბანზე სპეციალურ სიიდან 32 ამომრჩეველს უნდა მიეცა ხმა, ანუ იმ ადამიანებს, რომლებიც სხვა რეგიონში არიან რეგისტრირებულნი. რადგან ისინი ფიზიკურად უივე ამ უბანზე არიან ხმას გამონაკლისის სახით აძლევენ. აქტივობის პროცენტი უბანზე არა უბანზე მისული ამომრჩევლით, არამედ ერთიან სიებში რეგისტრირებული ამომრჩევლით გამოითვლება. ანუ, 94 ამომრჩეველს უფლება ჰქონდა ხმა მიეცა სამების საარჩევნო უბანზე, მაგრამ აქტივობის პროცენტული მაჩვენებელი 62 ამომრჩეველი იყო. ცესკომ ვებგვერდზე https://jnews.ge/?p=
სოფელ სამების უბანზე საერთო ჯამში 76 ამომრჩეველმა მისცა ხმა. პროპორციული სიების მიხედვით ხმის მიცემის უფლება ყველას ჰქონდა. სპეციალური სიების ამომრჩეველს, რომლებიც მუნიციპალიტეტის გარეთ არიან რეგისტრირებულნი, მერის არჩევა არ შეუძლიათ. ამომრჩევლებს, რომლებიც მუნიციპალიტეტში არიან რეგისტრირებულნი, მაგრამ ამ უბანზე არ იმყოფებიან, მხოლოდ მერის არჩევა შეუძლიათ. შედეგად, სოფელ სამებაში პროპორციული სიის მიხედვით 76-მა ადამიანმა მისცა ხმა, 55 -მა უმრავლესობის მოადგილეს, ხოლო 54-მა მერს. ყოველ არჩევნებში სამების ხმების უმრავლესობა მმართველ პარტიას აძლევს ხმას.
