ახალქალაქის ჰოსპიტალში ახალი მომსახურება გაჩნდა.
ახალქალაქის რეფერალური კლინიკის მენეჯერი, ალექსან თოროიანი დიდი სიხარულით გვატყობინებს ახალი ტექნიკის შეძენის შესახებ.
”ექოკარდიოგრაფიული აპარატურა მრიცხველთან ერთად დაახლოებით თვენახევრის წინ მივიღეთ, მანამდე პაციენტებს გამოკვლევისთვის სხვა კლინიკებში ვგზავნიდით. ექოკარდიოგრაფია- ელექტროკარდიოგრაფიის გაუმჯობესებული ვარიანტია. დღეს ელექტროკარდიოგრაფიას არ შეუძლია მიაწოდოს ექიმს საკმარისი ინფორმაცია იმისთვის, რომ ორიენტირებული იყოს. თანამედროვე მედიცინაში ყველაზე გავრცელებული და მოწინავე გამოკვლევა არის ექოკარდიოგრაფია. როგორც ჩვენ ვატარებთ ნაღვლის ბუშტის, თირკმელების, შარდის ბუშტის, მუცლის ღრუს, ღვიძლის, ელენთის და ა.შ. ულტრაბგერით გამოკვლევას, ამ ტიპის აპარატებს იყენებენ გულის, უფრო ღრმა ექოკარდიოგრაფიის შესასწავლად. სხვა სიტყვებით რომ ვთქვათ, ექიმი ეკრანზე ხედავს გულის მთლიან მუშაობას, სისხლის მიმოქცევას თავიდან ბოლომდე და ყველა ცვლილებას, რაც ამ პაციენტში მოხდა, სრულად ჩანს, ექიმისთვის უკვე ადვილია დიაგნოზის დასმა, სწორი რჩევის მიცემა, რომ პაციენტმა შეძლოს პროფესიონალური დახმარების დროულად მიღება”, – ამბობს თოროიანი.
საავადმყოფო ახალი, თანამედროვე მოწყობილობის შეძენას გეგმავს. ახალქალაქის საავადმყოფოს მენეჯერის, ალექსან თოროიანის თქმით, ჩნდება ახალი მომსახურებები, რასაც ხალხი თავად ითხოვს.
ახალქალაქში ექოკარდიოგრაფიისთვის საავადმყოფოს ექიმი აკოპ ჩახმახიანი უკვე გახდა სერთიფიცირებული სპეციალისტი.
”ჩვენმა ექიმმა აკოპ ჩახმახიანმა გადამზადება გაიარა. მან ოთხ-ნახევარი თვის განმავლობაში გადამზადება გაიარა მაღალკვალიფიციურ სპეციალისტებთან თბილისში, წარმატებით ჩააბარა მოწინავე სასწავლო გამოცდები და მიიღო შესაბამისი სერტიფიკატი”, – ამატებს თოროიანი.
სპეციალისტის თქმით, ამ მოწყობილობებზე დიდი მოთხოვნილება იყო ჩვენს რაიონში.
”ეს მოწყობილობა საშუალებას მოგვცემს ვნახოთ გული, ანუ გავაკეთოთ ექოკარდიოგრაფია. გადამზადების ტრენინგი გავიარე, ახლა საშუალება გვაქვს გული გამოვიკვლიოთ. მართალია, ჩვენ არ გვაქვს კარდიოლოგიის განყოფილება, მაგრამ ეს ინდიკატორი (მრიცხველის) საკმარისია იმისთვის, რომ დროულად აღმოვაჩინოთ გულის პათოლოგიები, პაციენტებს მივუთითოთ სად უნდა წავიდნენ, რა უნდა გააკეთონ. გარდა ამისა, ჩვენ ვამოწმებთ ყველა ჩვენი პაციენტის გულს. მასზე მოთხოვნა ძალიან მაღალი იყო”,- ამატებს ექიმი აკოპ ჩახმახიჩიანი.
