მოსკოვში დენის მაცუევის ინიციატივით შექმნილი ახალგაზრდა პიანისტების საერთაშორისო კონკურსი – Grand Piano Competition- 30 იანვრიდან 5 მაისის ჩათვლით ჩატარდება. ახალქალაქელმა ახალგაზრდა ნიჭიერმა გოგომ ანაიტ სტელმაშოვამ შესარჩევი ტური გაიარა და მოსკოვში შეჯიბრში მონაწილეობის მისაღებად მიდის.
ანაჰიტ სტელმაშოვა მოსკოვში პედაგოგთან, ნინო ქათამაძესთან, ერთად წავა.
“თავად შევიტანეთ განაცხადი, თბილისში გადავიღეთ ვიდეო. საკმაოდ დიდხანს ველოდით პასუხს. ანაჰიტმა შესარჩევი ტური გაიარა. ახლა ის კონკურსში მიიღებს მონაწილეობას. მგზავრობას და საცხოვრებელ სახლს უფინანსებენ. მონაწილეობა მიიღო 50-ზე მეტმა მონაწილემ, მაგრამ კონკურსზე 15 ადამიანი წავა, მათ შორის ჩემი გოგოც. მას ბევრი პროგრამა აქვს”, – ესაუბრა Jnews- ს ანაჰიტის დედა.
მოსკოვში 7 ქვეყნიდან 15 პიანისტი წარდგება. პირველ ტურში მათ სოლო პროგრამის შესრულება მოუწევთ, ხოლო მეორე ტურში – კონცერტი სიმფონიური ორკესტრის თანხლებით ჩატარდება.
კონკურსის საზეიმო გახსნა 30 აპრილს, ე.ფ. სვეტლანოვის სახელობის სახელმწიფო ორკესტრი დენის მაცუევის მონაწილეობით, მაესტრო ალექსანდრე სლადკოვსკისა და წინა Grand Piano-ს გამარჯვებულის, ალექსანდრა დოვგანის მონაწილეობით კონსერვატორიის დიდ დარბაზში გაიმართება. კონკურსანტთა მოსმენა ცენტრალური მუსიკალური სკოლის საკონცერტო დარბაზში (I ტური) და მოსკოვის ფილარმონიის ჩაიკოვსკის დარბაზში (მეორე ტური და დასკვნითი გალა-კონცერტი) გაიმართება.
ორი ტურის შედეგების საფუძველზე ჟიური ხუთ ლაურეატს დაასახელებს, რომლებიც 5 ათასი დოლარის ოდენობის პრიზებს მიიღებენ, ხოლო შემაჯამებელ კონცერტზე გრან-პრი-Yamaha SZX როიალის გამარჯვებული გამოვლინდება. რეგლამენტის თანახმად, Grand Piano-ზე საპრიზო ადგილები არ გადაეცემათ: ათი დიპლომის გამარჯვებული მიიღებს 1 ათასი დოლარის ოდენობის პრიზებს. ასევე, ლაურეატების მასწავლებლები მიიღებენ თითო 1 ათას დოლარს.
“ჩვენი ფორმატი აბსოლუტურად უნიკალურია. პირველ რიგში, ჟიურის შესაძლებლობა აქვს მოუსმინოს ყველა მონაწილეს, როგორც სოლოს სახით, ასევე ორკესტრთან ერთად. მეორე რიგში, ორ ტურის განმავლობაში არავინ ტოვებს კონკურსს, ასე რომ არ არსებობს იმედგაცრუებები და თავზარდაცემები, რომლებიც ჩვეულებრივ ნებისმიერ გალა-კონკურსზე არსებობს. გალა-კონცერტზე ერთ-ერთ მონაწილეს გრან-პრი – კონცერტის როიალი გადაეცემა. მაგრამ დანარჩენი მონაწილეებიც არ იქნებიან განაწყენებულები- მათ წამყვან ორკესტრებთან გარანტირებული წარმოდგენები ექნებათ. ჩვენმა გრანდპიანისტებმა ბოლო წლებში დიდ წარმატებას მიაღწიეს: დებიუტი ჰქონდათ ყველაზე ცნობილ დარბაზებში, დაუკრეს მსოფლიოს უდიდეს ორკესტრებთან და დირიჟორებთან ერთად და ჩანაწერები გააკეთეს”, – ამბობს დენის მაცუევი.
შეგახსენებთ, რომ Grand Piano Competition მესამე კონკურსი 2020 წელს უნდა ჩატარებულიყო, მაგრამ კორონავირუსის პანდემიის გამო 2021 წლისთვის გადაიდო. ვინაიდან ამ კონკურსში მონაწილეები არ უნდა იყვნენ 16 წელზე უფროსნი, საორგანიზაციო კომიტეტმა გადაწყვიტა შეენარჩუნებინა მონაწილეობის უფლება იმ ახალგაზრდა პიანისტებისთვის, რომლებმაც შარშან შეიტანეს განაცხადი და რომლებსაც III Grand Piano Competition კონკურსის დაწყებისათვის 17 წელი უკვე შეუსრულდათ. განაცხადები ვიდეო-ფორმატით შემოიტანეს.
