სიახლე COVID-19

რა შეზღუდვები მოიხსნება საქართველოში და როდიდან

---

პრემიერმინისტრმა ირაკლი ღარიბაშვილმა, უწყებათაშორისი საკოორდინაციო საბჭოს სხდომის დასრულების შემდეგ კორონავირუსის პანდემიის გამო დაწესებული შეზღუდვების ეტაპობრივი შემსუბუქების გეგმა წარადგინა.

ეკონომიკური საქმიანობის აღდგენის გრაფიკი შემდეგნაირად განისაზღვრა:

• სასტუმროები სამთო კურორტებზე გაიხსნება 25 თებერვლიდან;
• სამთო კურორტებზე საბაგიროები გაიხსნება 8 მარტიდან;
• საქალაქთაშორისო ტრანსპორტი ამოქმედდება 25 თებერვლიდან
• ძალაში რჩება “კომენდანტის საათი” 21:00 საათიდან 05:00 საათამდე.
• რესტორნები შიდა სივრცეებში ფუნქციონირებას, შაბათ-კვირის გარდა, ბათუმში — 1-ლი მარტიდან, ხოლო დანარჩენ საქართველოში 8 მარტიდან შეძლებენ;
• კონფერენციები და ტრენინგები, შესაბამისი პროტოკოლის დაცვით, განახლდება 1-ლი მარტიდან;
• სპორტული დარბაზები ფუნქციონირებას განაახლებენ 15 მარტიდან;
• როგორც საჯარო, ისე კერძო სკოლამდელი აღზრდის დაწესებულებები ფუნქციონირებას განახლებენ 1-ლი მარტიდან, 2 კვირაში ერთელ თანამშომლების 20%-ის სავალდებული ტესტირების პირობით;
• უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ 1-ლი მარტიდან, ხოლო სასწავლო სასწავლო პროცესის აუდიტორიებში აღდგენას — 15 მარტიდან;
• სასკოლო წრეები განახლდება 15 მარტიდან;
• მუზეუმები და ბიბლიოთეკები საქმიანობას განაახლებენ 1-ლი მარტიდან;
• თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას 15 მარტიდან შეძლებენ, ხოლო საქმიანობის სრულად აღდგენას (თეატრალური წარმოდგენები, სპორტული შეჯიბრებები მაყურებლის დასწრებით) — 1-ლი აპრილიდან;
• არასასურსათო საცალო ვაჭრობა შაბათ-კვირის ჩათვლით, როგორც სავაჭრო მოლებისთვის, ისე ბაზრობებისთვის, განაახლდება 8 მარტიდან;