მიუხედავად იმისა, რომ წელს თოვლი ცოტა იყო, საქართველოს ერთ-ერთი ზამთრის სათხილამურო კურორტი ბაკურიანი, ხალხმარვალობით მაინც გამოირჩევა.
ბაკურიანის სათხილამურო კურორტი თრიალეთის ქედის ჩრდილოეთ ნაწილშია განლაგებული და ზღვის დონიდან 1700მ სიმაღლეზე მდებარეობს. იქ მისვლა შესაძლებელია საავტომობილო და სარკინიგზო გზით, რომელსაც “კუკუშკას” უწოდებენ.
1970-1980 წლებში ბაკურიანი იყო ოლიპმიური სათხილამურო გუნდის მომზადების ბაზა, აქ ყოფილი საბჭოთა კავშირის ცნობილი მოთხილამურეები ვარჯიშობდნენ. ახლა ის ადგილები მიტოვებულია.
ბაკუარიანი პატარა დასახლებაა, თუმცა ბოლო ათი წლის განმავლობაში იქ გაჩნდა ბევრი თანამედროვე სასტუმრო და კოტეჯი.
ბაკურიანში დასასვენებლად სხვადასხვა ადგილებიდან ჩამოდიან, თუმცაღა ჩვენი დაკვირვებით, ამ დღეებში ტურისტების უმრავლესობა რუსეთიდან არის.
სათხილამურო სეზონი ნოემრიდან მარტამდე გრძელდება.
ზამთარი ცივია, მაგრამ მკაცრი არ არის, წელს თოვლი ჩვეულებრივზე ნაკლები იყო. წიწვოვანი ხეების წყალობით აქ არის სუფთა და გამოსაჯანმრთელებელი ჰაერი.
ამინდი მზიანია, ქარის გარეშე. ამიტომ აქ ხშირად შეიძლება ნახოთ მოთხილემურეები სპორტულ ტოპებში.
ქუჩებში იყიდება სხვადასხვა ჯემი და კომპოტი, რომელიც ბაკურიანის ტყეში დაკრეფილი მოსავალით არის დამზადებული. ასევე გამოტანილია ხის ნაწარმი, მატყლის ტანსაცმელი-წინდები, ადგლობრივი ოსტატების ნაქსოვი მაისურები, ასევე სპორტული ატრიბუტები: ციგები, თხილამურები, ციგურები.
ეს ნივთები შეგიძლია იყიდო ან იქირავო.
