საქართველომ 91-ე ადგილი დაიკავა 147 ქვეყანას შორის, რომლებიც მოსახლეობის ბედნიერების დონის მიხედვით შეფასდნენ World Happiness Report 2026-ის რეიტინგში.
საქართველო უკვე რამდენიმე წელია ინარჩუნებს მსგავს პოზიციებს ინდექსში და კვლავ ერთ-ერთ ყველაზე უბედურ ქვეყნად რჩება.
რეიტინგში საქართველოს მეზობლები გახდნენ ლაოსი (92-ე ადგილი) და ჰონგ-კონგი (91-ე ადგილი). ყოფილი სსრკ-ის ქვეყნებს შორის საქართველო უსწრებს აზერბაიჯანს (102-ე ადგილი) და უკრაინას (111-ე ადგილი), თუმცა ჩამორჩება ლიეტუვას (28), ესტონეთს (46), ყაზახეთს (33), ლატვიას (48), უზბეკეთს (53), რუსეთს (79), ყირგიზეთს (66), მოლდოვას (77) და სომხეთს (89). საქართველოს მეზობელი თურქეთი 94-ე ადგილს იკავებს.
ფინეთი უკვე მეცხრე წელია ზედიზედ პირველ ადგილზეა.
მსოფლიოს ყველაზე ბედნიერი ქვეყნების ტოპ-ათეული:
ყველაზე უბედურ ქვეყნად კვლავ ავღანეთი დასახელდა. სიის ბოლოში ასევე იმყოფებიან სიერა-ლეონე და მალავი.
როგორ იზომება ბედნიერების დონე?
ანგარიში World Happiness Report ყოველწლიურად, ბედნიერების საერთაშორისო დღესთან დაკავშირებით ქვეყნდება, რომელიც 20 მარტს აღინიშნება. კვლევას ოქსფორდის უნივერსიტეტის კეთილდღეობის კვლევის ცენტრის ექსპერტები, კომპანია Gallup-თან ერთად და გაეროს მხარდაჭერით ამზადებენ. მისი საფუძველია სხვადასხვა ქვეყნის მცხოვრებთა გამოკითხვა იმის შესახებ, თუ რამდენად კმაყოფილნი არიან ისინი საკუთარი ცხოვრებით.
რეიტინგის შედგენისას მხედველობაში მიიღება ისეთი მაჩვენებლები, როგორიცაა:
შემოსავლების დონე;
სოციალური მხარდაჭერის ხელმისაწვდომობა;
ჯანმრთელობის მდგომარეობა;
პიროვნული თავისუფლების ხარისხი;
სხვების დახმარების მზაობა;
კორუფციის აღქმა.
კვლევის მონაწილეებს სთხოვენ, შეაფასონ თავიანთი ცხოვრება ათბალიანი შკალით — 0-დან (შესაძლო ცუდი ცხოვრება) 10-მდე (საუკეთესო). ქვეყნების საბოლოო მაჩვენებლები ბოლო სამი წლის განმავლობაში გაკეთებული ასეთი შეფასებების საშუალო მნიშვნელობით ფორმირდება.
წლევანდელ გამოცემაში ავტორებმა ყურადღება გაამახვილეს ციფრული გარემოს როლზე კეთილდღეობის განცდაში. კერძოდ, მათ შეისწავლეს, თუ როგორ მოქმედებს სოციალური ქსელები და ონლაინ კომუნიკაცია ცხოვრებით კმაყოფილების დონეზე, განსაკუთრებით ახალგაზრდებს შორის.
