არტიუშ გომციანი მსოფლიო ჩემპიონატის 1/16 ფინალში გავიდა.
ახალქალაქელმა მოკრივემ 60 კგ წონით კატეგორიაში 1/32 ფინალში ლიტველი ედგარას სკუდელისი დაამარცხა და შემდეგ ეტაპზე გავიდა.
არტიუშის პირადი მწვრთნელი ატომ ელიზბარიანია.
2025 წლის მსოფლიო ჩემპიონატი კრივში 4-დან 14 სექტემბრამდე ლივერპულში (ინგლისი) გაიმართება, რომელშიც 66 ქვეყნის 500-ზე მეტი მოკრივე მიიღებს მონაწილეობას. სულ 20 ჯილდოს ნაკრები გათამაშდება: ათი მამაკაცისთვის და ათი ქალებისთვის. ეს არის პირველი ზრდასრულთა მსოფლიო ჩემპიონატი კრივის ისტორიაში, რომელიც მსოფლიო კრივის ეგიდით ტარდება.
მსოფლიო კრივი ახალგაზრდა საერთაშორისო ფედერაციაა, რომელიც 2023 წელს დაარსდა კრივის ოლიმპიური თამაშების პროგრამაში შესანარჩუნებლად. ის შეიქმნა, როგორც ალტერნატივა საერთაშორისო კრივის ასოციაციისა (IBA, რომელსაც რუსი უმარ კრემლევი ხელმძღვანელობს), რომელსაც საერთაშორისო ოლიმპიურმა კომიტეტმა საბოლოოდ ჩამოართვა აღიარება 2024 წელს, სკანდალების სერიის შემდეგ.
