2019 წლის 24 ივლისს, ახალქალაქის მუნიციპალიტეტის – აბულში, ბუზავეთსა და მოდეგამში გაზმომარაგება დაიწყო და სიმბოლური ცეცხლი ოფიციალურად აინთო. ეს სოფლის მაცხოვრებლებისთვის დიდი ხნის ნანატრი და საჭირო მოვლენა გახდა. ამიერიდან, სოფელ აბულში 100-ზე მეტი ოჯახი, ბუზავეტში 35 და მოდეგამში კიდევ 35 ოჯახი ბუნებრივი აირით ისარგებლებს, რაც მათი ცხოვრების ხარისხსა და პირობებს გააუმჯობესებს.
მოსახლეობამ დიდი ენთუზიაზმითა და სიხარულით მიიღო მონაწილეობა სოფლებში გაზმომარაგების ოფიციალურ ცერემონიაში. სოფლის მაცხოვრებლებმა მადლიერება გამოხატეს ადგილობრივი თვითმმართველობის წარმომადგენლებისა და ყველა სპონსორის მიმართ. ზემოთ ჩამოთვლილ სამ სოფელში გაზმომარაგება რეალობად იქცა კომპანია SJGC-ისა და ამ სოფლების მხარდამჭერების წყალობით.
SJGC-ის დირექტორის, ვრეჟ ბერიკიანის თქმით, ეს სოფლები სრულად მზად არიან გაზმომარაგების დასაწყებად.
„ამ ეტაპზე, მხოლოდ დოკუმენტებთან დაკავშირებით გარკვეული რეგულაციები არსებობს, ჩვენ უნდა მივიღოთ სერტიფიკატი, დაახლოებით ერთ თვეში ყველაფერი სრულად მზად იქნება. პროექტი ერთობლივად განვახორციელეთ, ჩვენი კომპანიისა და სპონსორების მხარდაჭერით“, – თქვა მან.
ახალქალაქის მერმა მელკონ მაკარიანმა Jnews-თან ინტერვიუში აღნიშნა, რომ ეს იყო ძალიან მნიშვნელოვანი პროექტი, რომელიც დღეს რეალობად იქცა. მისი თქმით, 21-ე საუკუნეში ძალიან მნიშვნელოვანია, რომ ადამიანებმა უფრო კომფორტულ და კეთილდღეურ პირობებში იცხოვრონ.
„დღეს ჩვენს მაღალმთიან სოფლებს ბუნებრივი აირის გამოყენების შესაძლებლობა მიეცათ და ეს დიდი ხნის ნანატრის ასრულების შესაძლებლობა გახდა“, – თქვა მან.
სოფელ აბულის მაცხოვრებელმა ბაგრატ ღარახრხზიანმა განაცხადა, რომ თითოეულმა ოჯახმა 1200 ლარი გადაიხადა სახლებში გაზის მიწოდებისთვის.
„გაზი პურს ჰგავს, თუ ის ხელმისაწვდომია, ადამიანების სამუშაო უფრო ადვილი იქნება, მათი ცხოვრება უფრო ადვილი იქნება“, – თქვა მან Jnews-თან ინტერვიუში.
სოფელ ბუზავეთის მოსახლეობა ორმაგად ბედნიერი იყო, ისინი ერთდროულად ორ დღესასწაულს აღნიშნავდნენ- მათ სოფელში საბოლოოდ გამოჩნდა ბუნებრივი აირი და ინტერნეტი. ამ სოფელში ისინი განსაკუთრებული ენთუზიაზმით ემზადებოდნენ.
ეს ინიციატივა არა მხოლოდ გააუმჯობესებს სოფელ- აბულის, ბუზავეთისა და მოდეგამის მაცხოვრებლების საცხოვრებელ პირობებს, არამედ ხელს შეუწყობს მიგრაციული ნაკადების შემცირებას, რაც სოფელს საცხოვრებლად უფრო კომფორტულს გახდის.
