ახალქალაქი-კარწახის სახელმწიფოთაშორისი მაგისტრალის რეაბილიტაცია დროში იწელება. ამ გზის მშენებლობაზე საგზაო ადმინისტრაციამ ელექტრონული ტენდერი გამოაცხადა, რომელიც კომპანია „ჯავახავთოგზამ“ მოიგო, თუმცა ხელშეკრულება ჯერ არ გაფორმებულა. ახალქალაქი-კარწახის გზაზე მოძრაობა დღითიდღე რთულდება.
ახალქალაქი-კარწახის საავტომობილო გზის ავარიულ მდგომარეობას Jnews არაერთხელ შეეხო.
სრულიად მოწყობილობიდან გამოვიდა ახალქალაქი-კარწახის საავტომობილო გზის სულდა-ახალქალაქის მონაკვეთი. ღრმა და დიდი ორმოები არა მხოლოდ უსაფრთხო გადაადგილებას უშლის ხელს, არამედ ანელებს მანქანების მოძრაობას.
ახალქალაქი-კარწახის საავტომობილო გზა ყოველწლიურად რეაბილიტაციას საჭიროებს, რადგან აქ გადის თურქეთისკენ მიმავალი სატვირთო მანქანები.
„თუ ადრე ახალქალაქამდე მისვლა 15 წუთს მოითხოვდა, ახლა ეს უკვე ერთ საათზე მეტი გრძელდება. ამ გზაზე გადაადგილება შეუძლებელი გახდა – არა მხოლოდ მანქანას ვანადგურებთ, არამედ საწვავიც ბევრად მეტი გვეხარჯება,“ – განაცხადა სოფლ სულდის მცხოვრებმა, არტიუშ მარუქიანმა.
ახალქალაქი-კარწახის სახელმწიფოთაშორისი მაგისტრალის რეკონსტრუქციაზე ორი ტენდერი გაიმართა. ორივე კომპანია „ჯავახავთოგზამ“ მოიგო. სარემონტო სამუშაოები საერთაშორისო საავტომობილო გზის კმ3+000-კმ7+800 და კმ8+800-კმ16+000 მონაკვეთებზე განხორციელდება.
პირველ კონკურსში კომპანიამ გაიმარჯვა 2 772 000.00 ლარით, ხოლო მეორე კონკურსში 4 488 000.00 ლარით.
როგორც Jnews-ს საქართველოს საგზაო ადმინისტრაციიდან აცნობეს, ელექტრონული ტენდერი უკვე გაიმართა, თუმცა მხარეებს შორის ხელშეკრულება ჯერ არ გაფორმებულა.
„გამოცხადებულია ელექტრონული ტენდერი, მიმდინარეობს ტენდერი, რომელსაც აქვს თავისი ვადები, კეთდება დაზუსტებები. თუ ტენდერში ყველაფერი კარგად წავა, კომპანია ჯავახავთოგზასთან გავაფორმებთ ხელშეკრულებას. ჩვენ ვიცით გზის მდგომარეობა და გვსურს ყველა საკითხი რაც შეიძლება სწრაფად მოვაგვაროთ და გამარჯვებულ კომპანიასთან თანამშრომლობით რაც შეიძლება მალე დავიწყოთ მუშაობა. „ჩემი აზრით, კონტრაქტი აპრილამდე გაფორმდება“, – განაცხადა საგზაო დეპარტამენტის უფროსის მოადგილემ, პავლე გამყრელიძემ.
კომპანია „ჯავახავთოგზაშიც“ დაადასტურეს, რომ ხელშეკრულება დაახლოებით 20 დღეში გაფორმდება, რის შემდეგაც ახალქალაქი-კარწახის გზის სარეკონსტრუქციო სამუშაოები დაუყოვნებლივ დაიწყება.
ამ თემასთან დაკავშირებით წაიკითხეთ ასევე:
გევორგ ჯანოიან
