ახალქალაქის მუნიციპალიტეტის სოფელ ალათუმანში 30 წელია აზბესტის წყლის მილების პლასტმასით ჩანაცვლების აუცილებლობას უჩივიან. ახალი ხაზი სირთულეებით აშენდა, თუმცა მოსახლეობა ისევ ძველი წყალმომარაგებით სარგებლობს.
ალათუმანის წყალსადენის მშენებლობაზე 290 755 ლარი დაიხარჯა, თუმცა სოფლის ზედა ნაწილის მაცხოვრებლები სასმელ წყალს აზბესტის მილებიდან ღებულობენ.

2017 წლის შემოდგომაზე მუნიციპალიტეტმა სოფელ ალათუმანში ახალი წყალსადენის მშენებლობისთვის 205 ათასი ლარი გამოყო, სამუშაოები ინდმეწარმე გარიკ ზარმარიანმა ჩაატარა. მშენებლობა 2019 წელს დასრულდა, მაგრამ მილებიდან წყალი არ მოედინებოდა. მუნიციპალიტეტმა ცუდი შედეგების საფუძველზე უარი თქვა გადახდაზე. მშენებელმა ეს სასამართლოში გაასაჩივრა და თანხა მიიღო, რადგან სამუშაო დამტკიცებული პროექტის მიხედვით დაასრულა. შედეგად, 2019 წელს მან დაახლოებით 25 000 ლარი მიიღო.

შემდგომში შემუშავდა 750 ლარის ღირებულების ახალი პროექტი და ახალი სამუშაოებისთვის 85 005 ლარი გამოიყო. წყალგაყვანილობა ააშენეს, მაგრამ წყალი მხოლოდ ერთი თვის განმავლობაში მოედინებოდა და შემდეგ გაჩერდა.
სოფლისთვის ადგილობრივმა ხელისუფლებამ ახალი წყალმომარაგების ხაზი ორჯერ ააშენა, დაახლოებით 300 ათასი ლარი დახარჯა. იმისათვის, რომ მოსახლეობა წყლით უზრუნველყო, ახალი ბასეინის გვერდის ავლა და ძველი აზბესის წყალმომარაგებასთან დაკავშირება მოუწიათ. წყალი დაახლოებით 300 მეტრის მანძილზე აზბესტის მილებიდან მოედინება. 2022 წელს, როცა ახალი ხაზი ძველს დაუკავშირეს, დაპირდნენ, რომ ეს დროებითია, მაგრამ სოფლის მოსახლეობა წყალს დღემდე აზბესტის მილებიდან სვამს.

მაკბეტ ტონოიანი ნანობს, რომ იბრძოდნენ და წყალმომარაგების ახალი სისტემა ააშენეს, მაგრამ ისევ აზბესტის მილებიდან სვამენ წყალს.

„ახალი წყალმომარაგება სოფელ ბეჟანოდან გაიყვანეს. მაგრამ უშედეგოდ. სოფლის ქვემო ნაწილში წყალი ნორმალურია, მაგრამ ზედა ნაწილში წყალს ისევ აზბესტის მილებიდან ღებულობენ. წყალმომარაგების ახალი ხაზი ბასეინში არ შედის, როგორც იგეგმებოდა, არამედ ბასეინის გვერდის ავლით ძველ ხაზს უკავშირდება. ჩვენ ისე ვიბრძოდით არაფრისთვის.“,- ამბობს მაკბეტ ტონოიანი.

სუსანა ტონოიანი გვაცნობებს, რომ წყალი აქვთ, მაგრამ შიშობენ, რომ აზბესტი მათ ჯანმრთელობაზე ნეგატიურად იმოქმედებს.

„ონკანიდან ჭუჭყიანი წყალი მოედინება. არ ვიცი, რატომ მოხდა ასე. ეს მამაკაცების საქმეა. სავარაუდოდდ ეს საქმე არ დაასრულეს“, – თქვა სონა ტონოიანმა.

სოფელ ალათუმანში ახალმა უფლებამოსილმა წარმომადგენელმა, არკადი კარაპეტიანმა სიტუაცია შემდეგნაირად განმარტა.

„სახლებში წყალი არის. ორი თვეა ამ თანამდებობაზე ვარ. ახლა ზამთარია, მაგრამ გაზაფხულზე ამ საკითხს მოვაგვარებთ, ერთ დღეში მოგვარდება. სახელმწიფოს აქ აღარაფერი აქვს გასაკეთებელი, თავიანთი საქმე გააკეთეს. სოფლის მოსახლეობამ საკუთარი სახლებიდან წყალმომარაგების ახალი ხაზი უნდა გაიყვანოს და ახალ პატარა ბასეინს უნდა დაუკავშიროს. ხოლო ამ ბასეინში წყალი ახალი დიდი ბასეინიდან მოედინება, რომელიც ახალ ხაზს გვერდს უვლის. ყველამ დაახლოებით 20-30 მ საკუთარ სახლამდე უნდა გაიყვანოს“, – ამბობს არკადი კარაპეტიანი.

კითხვაზე, სოფლის მოსახლეობას წყალმომარაგების ახალი ხაზი რატომ არ გაჰყავს, რადგან 30 წელია აზბესტის წყალმომარაგების არსებობას უჩივიან, არკადი კარაპეტიანმა გვიპასუხა.
„არ ვიცი. თქვენ ფიქრობთ, ჩვენ არ ვფიქრობთ ჩვენს თავზე. დიდი ბასეინის გასუფთავებაც არ წარმოადგენს პრობლემას. მე დამნიშნეს, რომ ეს საკითხი მოვაგვარო“.