ახალქალაქის მუნიციპალიტეტის ბიუჯეტის პროექტში წარჩინებული სტუდენტებისთვის სტიპენდიის დანახარჯი გათვალისწინებული არ არის, რასაც სტუდენტები ადგილობრივ ხელისუფლებას პეტიციის დსახმარებით სთხოვდნენ. აღნიშნული პეტიცია საკრებულომ დაამტკიცა და შემუშავებისა და შესრულებისათვის მერიას გაუგზავნა. საკრებულოში სტუდენტებისთვის დაპირებულის შესახებ გაიხსენეს.
მას შემდეგ, რაც ჯერ კიდევ სექტემბერში საკრებულოში სტუდენტების პეტიცია დაადასტურეს და მერიაში სტიპენდიის გაცემის სისტემის შემუშავების თხოვნით გაუგზავნეს, ამ პეტიციის და სტიპენდიის შესახებ სიახლე არ ყოფილა.
ნაირი ირიციანის, ახალქალაქის მუნიციპალიტეტის საკრებულოს თავმჯდომარის, თქმით, საკრებულო წერილში სისტემის შემუშავებას სთხოვდა, რომლის მიხედვითაც სტუდენტებისთვის ადგილობრივი ბიუჯეტიდან თანხის გამოყოფა იქნებოდა შესაძლებელი.
„10-20 000 ლარს გამოვყოფდით, მერე გადავხედავდით კატეგორიებს. თუ არა, მაშინ გარკვევით ვიტყვით, რომ არ გავცემთ. მერე ვიფიქრებთ ვის და რა თანხას მივცემთ. სახელმწიფო მათ სტიპენდიას რომ აძლევს- ეს ჩვენი საქმე არ არის. მუნიციპალიტეტებს აქვთ სტატიები და ჩვენ შეგვიძლია მივცეთ სტიპენდიები ჩვენს ახალგაზრდებს. შეიძლება სხვა მუნიციპალიტეტებს დიდი ბიუკეტი აქვთ, და 1000 ლარის გამოყოფა შეუძლიათ, ჩვენ 100 ლარის მიცემა შეგვიძლია. ჩვენ უკვე უნდა მოვიფიქროთ და ეტაპობრივად დავიწყოთ გაცემა. არ ვამბობ, ისეთი დიდი თანხები მივცეთ, რომ ხელი შეუშალოს ისეთი მნიშვნელოვანი პრობლემების მოგვარებას, როგორიცაა გზების მშენებლობა ან ხელფასები. მცირე თანხით შეიძლება დაწყება, ფიქსირებული თანხით. მოვიფიქროთ, რა გზით გადავწყვიტოთ, მაგრამ თანხა მერიიდან უნდა გამოიყოს“, – თქვა ნაირი ირიციანმა.
ნაირი ირიციანმა ასევ გვაცნობა, რომ ახლო მომავალში აღნიშნულ საკითხთან დაკავშირებით მერიის პასუხის განსახილველად მოწვეული იქნება კომისია.
შეგახსენებთ, რომ სტუდენტების საინიციატივო ჯგუფმა წარჩინებული სტუდენტებისთვის წამახალისებელი სტიპენდიის გამოყოფის თხოვნით პეტიციის ინიცირება წამოიწყეს. სტუდენტებმა პეტიციის მხარდასაჭერად მუნიციპალიტეტის დაახლოებით 400 მცხოვრების ხელმოწერა შეაგროვეს (ამომრჩევლების დაახლოებით 1%-ზე მეტი) და 2024 წლის 18 სექტემბერს ჩააბარეს. პეტიციის ავტორი ჯულიეტა სოღოიანია.
დეპუტატებმა ბიუროს სხდომაზე გადაწყვიტეს საკითხი მერიაში გადაეგზავნათ შემდეგი წინადადებით: შემუშავდეს კონკრეტული მექანიზმი პრობლემის გადასაჭრელად და შემდეგ განხილვას ესწრებოდეს მერიის წარმომადგენელი.
აღვნიშნავთ, რომ სტიპენდიები სამცხე-ჯავახეთის ახალციხის, ნინოწმინდისა და ბორჯომის მუნიციპალიტეტებში სტუდენტებს ეძლევათ. თითოეულმა მუნიციპალიტეტმა თავისი შესაძლებლობებიდან გამომდინარე განსაზღვრა სტიპენდიის ზომა და ასევე განსაზღვრა მისი გაცემის პირობები.
