წლის ბოლოს, ახალქალაქის სპორტული სკოლის მოსწავლე ანდრანიკ კარაპეტიანი თბილისში გამართული საერთაშორისო ჩემპიონატიდან კარატეში (WKF ) ბრინჯაოს მედლით დაბრუნდა.

18-დან 20 დეკემბრის ჩათვლით თბილისში კარატეში საერთაშორისო ჩემპიონატი – “Tbilisi Bowl”-ი ჩატარდა, რომელშიც მონაწილეობა 10-მდე ქვეყანამ მიიღო. ჩემპიონატში 4 ახალქალაქელი სპორტსმენი მონაწილეობდა. 70 კგ წონით კატეგორიაში 14-18 წლისებს შორის, სოფელ ზაკში მცხოვრები ანდრანიკ კარაპეტიანი ჩემპიონატიდან ჯავახეთში გამარჯვებული დაბრუნდა, მან მე-3 ადგილი დაიკავა.

Andranik Karapetyan

ანდრანიკ კარაპეტიანი ახალქალაქის სპორტული სკოლის მოსწავლეა. მისი მწვრთნელი სარგის მარგარიანია, რომელიც ვარჯიშებს, როგორც მაჯადიაში, ასევე სოფელ ზაქში ატარებს.

ეს გამარჯვება ანდრანიკს 2022 წლის ევროპის ჩემპიონატში მონაწილეობის შესაძლებლობას აძლევს.