საქართველოში რუსული ონლაინ კომერციული პლატფორმა Ozon შემოვიდა.
ონლაინ მაღაზიის ოფიციალურ ვებგვერდზე გამოქვეყნებული ინფორმაციის თანახმად, მომხმარებელს შეუძლია შეკვეთილი საქონლის აღება როგორც საქართველოს დიდ ქალაქებში (თბილისი, ბათუმი, ქუთაისი, ფოთი, ზუგდიდი, რუსთავი), ასევე მცირე დაბებში, მათ შორის ხაშურში, ბორჯომში, ამბროლაურში, ონში, ოზურგეთში და ა.შ.
“საქართველოს მაცხოვრებლებს უკვე შეუძლიათ ბაზარზე სხვადასხვა კატეგორიის 50 მილიონზე მეტი პროდუქტის შეძენა – ელექტრონიკიდან დაწყებული ჯანმრთელობისა და სილამაზის პროდუქტებით დამთავრებული.
მიწოდებას პირველ ეტაპზე დაახლოებით 14 დღე დასჭირდება და მყიდველებს შეეძლებათ შეკვეთების მიღება სახლის მახლობლად, შეკვეთის პუნქტებში ან კურიერის მიწოდებით.
