მმართველმა პარტიამ „ქართულმა ოცნებამ“ საქართველოს პარლამენტის მომავალ არჩევნებში რეგიონული დელეგატები – კანდიდატები წარადგინა. სამცხე-ჯავახეთის რეგიონი ორი კანდიდატით იქნება წარმოდგენილი. ახალქალაქი-ნინოწმინდა ერთი კანდიდატით იქნება წარმოდგენილი. საქართველოს მოქმედ პარლამენტში ჯავახეთიდან ორი დეპუტატია, ერთი მაჟორიტარული სისტემით, ერთი პროპორციული სისტემით.
წელს პროპორციულ სიებში რეგიონებიდან 22 კანდიდატი მოხვდა. რეგიონები, სადაც ეთნიკურად სომხები და აზერბაიჯანელები კომპაქტურად ცხოვრობენ, 6 კანდიდატით იქნება წარმოდგენილი. ორი კანდიდატი სამცხე-ჯავახეთიდან: ეთნიკურად სომეხი სამველ მანუკიანი (ახალქალაქი და ნინოწმინდა) და ანტონ ობოლაშვილი (ახალციხე, ბორჯომი, ასპინძა და ადიგენი).
რაც შეეხება ქვემო ქართლს, მას ეთნიკურად აზერბაიჯანელი ზაურ დარგალი (მარნეული და გარდაბანი), ირაკლი შათაქიშვილი (რუსთავი, გარდაბნის ისტორიული სოფლები, როგორც პარტიის განცხადებაში წერია), დავით შერაზადიშვილი – ბოლნისს, დმანისს, თეთრიწყაროს და წალკას წარმოადგენს.
აღვნიშნავთ, რომ უახლოეს პერიოდში მმართველი პარტია დედაქალაქიდან კიდევ 8 კანდიდატს წარადგენს.
2024 წლის 26 ოქტომბერს საქართველოში საპარლამენტო არჩევნები ჩატარდება, რომელიც ჩატარდება სრული პროპორციული სისტემით.
