26 მარტს ახალქალაქის მუნიციპალიტეტის საკრებულოს ყველა კომისიის გაერთიანებულ სხდომაზე ახალქალაქის მუნიციპალიტეტის 2021-2022 წლებში საქმიანობის შესაბამისობის სახელმწიფო აუდიტის სამსახურის მიერ შედგენილი ანგარიშში აღნიშნული შეცდომების აღმოსაფხვრელად გადადგმული ნაბიჯების შესახებ დასკვნა განიხილეს.
ანგარიში საფინანსო სამსახურმა, ეკონომიკური განვითარებისა და ქონების მართვის სამსახურმა, ინფრასტრუქტურის, არქიტექტურისა და ტერიტორიული დაგეგმარების სამსახურმა, ასევე ახალქალაქის მერიის შიდა აუდიტისა და ინსპექტირების სამსახურმა წარადგინეს. აღვნიშნავთ, რომ სახელმწიფო აუდიტის სამსახურის ძირითადი შენიშვნები და რეკომენდაციები სწორედ ამ სერვისებს ეხებოდა. თითოეულმა სამსახურმა რეკომენდაციებისა და ამ რეკომენდაციების განხორციელების მიმართულებით უკვე გაწეული სამუშაოს შესახებ თავისი ანგარიში წარმოადგინა.
საფინანსო სამსახურის უფროსმა კარენ მერგელიანმა დამსწრეებს აცნობა, რომ საბიუჯეტო ნაშთებთან დაკავშირებით რეკომენდაციის ნაწილი შესრულებულია და კერძოდ, წლიდან წლამდე გადასული ნაშთი მინიმუმამდეა დაყვანილი.
„ჩვენც მივიღეთ მადლიერება გაწეული სამუშაოსთვის. არის ტექნიკური საკითხები, რომელიც უკვე გამოსწორებულია. შარშან ჩავატარეთ ბიუჯეტის ყველა ნაწილის აუდიტი, იქნება ეს შემოსავლების კუთხით თუ ტენდერებიდან დაზოგვის შედეგებით. ყველა ეს ფინანსი პროექტებში იყო გათვალისწინებული. შედეგად, მიმდინარე წლის გადასულმა ნაშთმა შეადგინა 455 800 ლარი, რაც ძალიან მცირე თანხაა და არ ითვლება ბიუჯეტისთვის მნიშვნელოვან დარღვევად“, – თქვა კარენ მერგელიანმა.
ამის შემდეგ მერიის ინფრასტრუქტურის სამსახურის უფროსმა წარადგინა შედეგები. რეკომენდაციები ეხებოდა „სოფლის მხარდაჭერის“ პროგრამას. აუდიტმა აღნიშნა, რომ ამ პროგრამის ფარგლებში ბევრი პროექტი არ დასრულებულა და თანხა უშედეგოდ დაიხარჯა. ინფრასტრუქტურის სამსახურის უფროსმა, არა მოვსისიანმა დეპუტატებს აცნიბა, რომ „სოფლის მხარდაჭერის“ პროგრამის ფარგლებში ყველა დაუმთავრებელი პროექტი წელს დასასრულებლად უკვე გათვალისწინებულია.
ახალქალაქის მერიის ეკონომიკური სამსახურის უფროსმა მნაცაკან ფამბუხჩიანმა აღნიშნა, რომ აუდიტის შედეგად იყო რამდენიმე კომენტარი, მათ შორის სოფლებში ნარჩენების შეგროვების აბონენტების მონაცემთა ბაზის არარსებობის გამო, ამიტომ მერია მონაცემთა ბაზის შექმნაზე მუშაობს და ამ პროცესს წლის ბოლომდე დაასრულებს. მეორე საკითხი, რომელზეც კომენტარი გაკეთდა, ეხებოდა ბაზრის ტერიტორიის ექსპლუატაციას, საიდანაც მერია შემოსავალს არ იღებს. ფამბუხჩიანის თქმით, დღეს მერია დოკუმენტაციაზე მუშაობს პირობების გასაუმჯობესებლად და ტერიტორიის ქირით გადასაცემად. მესამე საკითხი ეხებოდა მეცხოველეობის ბაზრისთვის გათვალისწინებულ ტერიტორიას, რომელიც კეთილმოწყობილი იყო და არ გამოიყენებოდა. ამ წუთებში სამსახური მუშაობს დოკუმენტაციაზე, რომ ბაზარი აუქციონზე გადაიტანოს ქირავნობით.
კომისიების სხდომას ასევე ესწრებოდნენ ახალქალაქის მერიის აუდიტის სამსახურის წარმომადგენლები. როგორც ცნობილი გახდა, თუ ადრე სახელმწიფო აუდიტი მხოლოდ მათ მიერ გაცემული ამა თუ იმ რეკომენდაციის შესრულებას ურჩევდა, ახლა მათ შესრულებას ახალქალაქის მერიის აუდიტის დახმარებითაც აკონტროლებს.
„აუდიტის სამსახურს რეკომენდაციის შესრულებაზე მონიტორინგი არ უტარებია, უფრო სწორად, ნაწილობრივ. ჩვენ ვხელმძღვანელობთ საქართველოს კანონით სახელმწიფო შიდა ფინანსების კონტროლის შესახებ, უნდა უზრუნველვყოთ იმ რეკომენდაციების შესრულება. უზრუნველვყოთ ამ რეკომენდაციების დროულად შესრულება, რეკომენდაციების შესრულების მონიტორინგი მინიმუმ 3 თვეში, მაქსიმუმ 6 თვეში, ანუ უნდა უზრუნველვყოთ ამ რეკომენდაციების შესრულება“, – ამბობს აუდიტის სამსახურის უფროსი არტაშეს აბგარიანი.
შეგახსენებთ, რომ სახელმწიფო აუდიტის სამსახურმა ახალქალაქის მუნიციპალიტეტის 2021-2022 წლების საქმიანობის აუდიტი ჩაატარა. აუდიტის შედეგად გამოვლინდა ხარვეზები სხვადასხვა მიმართულებით.
