ახალქალაქის მუნიციპალიტეტის საკრებულოს გენდერული თანასწორობის საბჭომ ორწლიანი სამოქმედო პროგრამა წარადგინა. სამუშაო გეგმას ახალი მოქმედებები დაემატა.
ახალქალაქის საკრებულოს გენდერული თანასწორობის საბჭომ ახალი სამოქმედო გეგმა შეეიმუშავა, რომელიც ასევე მოიცავს ახალ ქმედებებს, რომლებიც აქამდე არ განხორციელებულა. ამ მიზნით გენდერული თანასწორობის საბჭომ მეზობელი მუნიციპალიტეტების გამოცდილებაც შეისწავლა. მაგალითად, ახალი სამუშაო სამოქმედო გეგმა ოჯახში ძალადობის მსხვერპლთან დაკავშირებით პუნქტს შეიცავს.
„სამოქმედო გეგმის ერთ-ერთი მუხლია ოჯახში ძალადობისა და ქალთა მიმართ ძალადობის მსხვერპლთა ან სავარაუდო მსხვერპლთა დახმარების გეგმის შემუშავება. მსგავსი პროგრამა არსებობს მეზობელ მუნიციპალიტეტებში, მაგალითად, ნინოწმინდის მუნიციპალიტეტში არის რეგისტრირებული კონკრეტული რაოდენობა. რადგან სახელმწიფო თავშესაფრები არ გვაქვს, ამ ადამიანებს უნდა დავუჭიროთ მხარი. ეს ნიშნავს 6 თვის ვადით ან კანონით გათვალისწინებული თანხების გამოყოფას ბინის გასაქირავებლად, თუმცა ეს იმ შემთხვევაში, თუ სასამართლომ დაზარალებული ოჯახში ძალადობის მსხვერპლად აღიარა, ნინოწმინდაში ასეთი პუნქტი უკვე რამდენიმე წელია ბიუჯეტში არის, მაგრამ არც ერთი კაპიკი არ იხარჯება, ამისთვის თანხები უნდა გამოვყოთ“, – ამბობს დეპუტატი სედა მელკუმიანი.
ახალი პროექტი ასევე მოიცავს „დედისა და ბავშვის მოვლის“ გაუმჯობესების პროგრამას.
„წელს გენდერული თანასწორობის საბჭო ახალშობილებისთვის შეღავათების დამატებას აპირებს, რადგან მიგვაჩნია, რომ დანამატი, რომელიც გაკეთდა, ძალიან მცირეა პირველი ორი ბავშვისთვის, მსგავსი პროგრამები უნდა იყოს მუნიციპალიტეტში, რათა ხელი შეუწყოს შობადობის ზრდას. ხარჯები მაღალია და მიღებული სარგებელი მართლაც იმდენად მცირეა, რომ არ გვაქვს უფლება ვიწუწუნოთ, რომ ადამიანებს არ სურთ შვილების გაჩენა ან რომ შობადობა დაბალია. საფენების ორი შეკვრა უკვე ღირს 90 ლარი, ეს სულ ორი კვირაა საკმარისი“, – ამბობს სედა მელკუმიანი.
სედა მელკუმიანმა ასევე მოყვა, რომ მუნიციპალური გეგმის მიხედვით, გენდერულ თანასწორობაზე უნდა იმუშაოს სპეციალურმა მდივანმა, რომლის მოვალეობები და უფლებები შედგენილი იქნება და შეხვედრისას ისინი სამუშაო გეგმაში სრული პაკეტის სახით შევა. მან ასევე აღნიშნა, რომ ახალქალაქის მერიაში არის გენდერული თანასწორობის საკითხებზე პასუხისმგებელი პირი, რომელმაც ეს საქმიანობა უნდა განახორციელოს.
„რამდენიმე დღის წინ მივიღეთ წერილი პარლამენტიდან, სადაც ითხოვენ ინფორმაციას მუნიციპალიტეტში ადრე ან ახლა მცხოვრები წარმატებული ქალების შესახებ, რათა მათ შესახებ ინფორმაცია იყოს ხელმისაწვდომი მთელი ქვეყნის მასშტაბით, ვისი სახელიც დაერქმევა ქუჩებს, მოედნებს და ა.შ. ჩვენს მუნიციპალიტეტს აქვს ასეთი გამოცდილება, დიახ, გვაქვს სკვერი ასეთი ქალის სახელით. ამ ინფორმაციას გადავუგზავნით, მაგრამ ეს პროცესი ხანგრძლივია – ეს საკითხიც შედის ჩვენს პროგრამაში“, – თქვა სედა მელკუმიანმა.
დეპუტატის თქმით, გენდერული თანასწორობის საბჭოს სამუშაო გეგმის შედგენაზე მუშაობა მერიასთან ერთად განხორციელდა, რომელიც მზად არის დაეხმაროს გეგმის განხორციელებაში, მათ შორის ფინანსურად. სამოქმედო გეგმა ითვალისწინებს სოციალურად დაუცველ ოჯახებს, შშმ პირებს – ქალებს, ბავშვებს და ა.შ. გენდერულმა საბჭომ პროგრამაში ახალი სპორტული და კულტურული ღონისძიებებიც შეიტანა.
