Batumi Black Sea music and Art Festival მეათე საიუბილეო ფესტივალი ბათუმში დასრულდა, რომლის ორგანიზატორი ელისო ბოლქვაძე იყო. ახალქალაქს ამ ფესტივალზე წარმოადგენდნენ ახალგაზრდა ნიჭიერი არსენ კარაპეტიანი და საქართველოს კლასიკური მუსიკის სამყაროში უკვე კარგად ცნობილი ანაჰიტ სტელმაშოვა.
ბათუმის შავი ზღვის მუსიკისა და ხელოვნების მეათე ფესტივალი გაიმართა 2023 წლის 30 სექტემბრიდან 8 ოქტომბრის ჩათვლით, რომელიც მიძღვნილი იყო კლასიკური მუსიკისა და ცოცხალი ქართული ფოლკლორისადმი. წელს ფესტივალი თავის 10 წლის იუბილეს აღნიშნავს. 2013 წელს დაარსების დღიდან, ფესტივალის მისია ახალგაზრდა ტალანტების პოპულარიზაცია და მუსიკალური განათლების განვითარება გახდა. ფესტივალი უნიკალური კულტურული მოვლენაა საქართველოში იუნესკოს მაღალი პატრონაჟით.
7 ოქტომბერს ბათუმის მუსიკალურ ცენტრში ახალგაზრდა პიანისტთა გალა-კონცერტი „მომავლის ვარსკვლავები“ გაიმართა, რომელზეც სხვა ახალგაზრდა მუსიკოსებთან ერთად ახალქალაქელი ნიჭიერი არსენ კარაპეტიანი და ანაჰიტ სტელმაშოვა გამოვიდნენ.
„ახლა იქ არა მხოლოდ პიანისტები მონაწილეობენ,არამედ სხვადასხვა გამოფენებიც იყო , სტუმრები იყვნენ ბრაზილიიდან, სომხეთიდან, საფრანგეთიდან და სხვა ქვეყნებიდან, რომლებიც თავიანთ კულტურას წარმოადგენდნენ. ქვეყნებს შორის იყო დიპლომატიური ურთიერთობები, იყო აზერბაიჯანის დღე, სომხეთის დღე, ეს ძალიან მნიშვნელოვანია, როგორც ელისო ბოლქვაძე მიიჩნევს, რომ რეგიონში მშვიდობა იყოს. ბოლო დღეს პატარა პიანისტებმა დაუკრეს, კონცერტი ჰქონდათ, მანამდე 3 დღის განმავლობაში მასტერკლასები იყო, რომელსაც მაესტრო მიშელ სონის ატარებდა. იქ ნამუშევრებს ვუკრავდი. ფესტივალზე ახალქალაქიდან არსენ კარაპეტიანი იყო. ის ასევე მონაწილეობდა მასტერკლასებშიც. არსენმა მოიტანა ახალი პროგრამა, რომელზეც ოსტატმა იმუშავა. იქ სხვა ბავშვებიც იყვნენ ჩართული, რადგან მასტერ-კლასები ახალგაზრდა მუსიკოსების განვითარებისთვის ტარდებოდა“, – ყვება ანაჰიტი.
ის ძალიან აფასებს ამ შესაძლებლობას და, ზოგადად, ყველა შესაძლებლობას, რომელიც ბავშვებს შესაძლებლობას აძლევს განავითარონ და გამოავლინონ თავიანთი პოტენციალი.
“საუკეთესო პატარები შეარჩიეს, რომ გალა-კონცერტზე დაუკრან და მათ შორის იყო არსენიც, სინამდვილეში მე ძალიან ბედნიერი ვარ, რადგან პირველ რიგში, ბავშვებს ეძლევათ შესაძლებლობა განვითარდნენ, როგორც მე მომეცა. მიხარია, რომ ჩვენი ქალაქიდანაც არიან ბავშვები, რადგან ჩვენს ქალაქში კლასიკური მუსიკა ასე არ იყო განვითარებული. მიხარია, რომ მათ აქვთ შესაძლებლობა გაიცნონ ისეთი ადამიანები, ისეთი ხელმძღვანელი, როგორიც მიშელ სონია”, – ამბობს ანაჰიტ სტელმაშოვა.
აღსანიშნავია, რომ ბოლო რამდენიმე წლის განმავლობაში ახალქალაქის მუსიკალურ სასწავლებელში ნიჭიერი პიანისტები გამოვლინდნენ, რომლებიც აღიარებულნი არიან ეროვნულ, შემდეგ კი მსოფლიო დონეზე.
