დღეს, 9 სექტემბერს ახალქალაქში ქალაქის დღე აღნიშნეს. გურიაში წყალდიდობის ტრაგედიის შედეგად დღესასწაულმა მოკრძალებულად ჩაიარა. გაუქმებული იყო ყველა კონცერტი და სადღესასწაულო ფეიერვერკი.
ქალაქ ახალქალაქს 959 წელი შეუსრულდა. დღესასწაული 12:00 საათზე სადემონსტრაციო სამზადისით, სომხური და ქართული სამზარეულოს კერძების დეგუსტაციით დაიწყო.
დღესასწაულთან დაკავშირებით, ახალქალაქს საქართველოში სომხეთის რესპუბლიკის საგანგებო და სრულუფლებიანი ელჩი აშოტ სმბატიანი ეწვია. ესწრებოდნენ საქართველოს პარლამენტის მაჟორიტარი დეპუტატი ახალქალაქისა და ნინოწმინდის მუნიციპალიტეტებიდან, პარლამენტის დეპუტატი სამველ მანუკიანი, ნინოწმინდიდან სუმბატ კიურეღიანი, სამცხე-ჯავახეთის გუბერნატორის მოადგილე და სხვა სტუმრები ახალციხიდან, ადგილობრივი ხელისუფლების წარმომადგენლები ახალქალაქისა და ნინოწმინდის მუნიციპალიტეტებიდან.
გურიაში მომხდარი ტრაგედიიდან გამომდინარე, დღესასწაული მოკრძალებულად აღინიშნ, მუსიკალური ნომრების გარეშე აღინიშნა.
მერიის მოპირდაპირე პარკში გაშლილი იყო სუფრები სომხური და ქართული სამზარეულოს სხვადასხვა კერძებით.
სოფლის ყველა ტერიოტორიულმა ოლქმა საკუთარი კერძებით გაშალა სუფრა და ყველა მსურველსა და სტუმარს გაუმასპინძლდა. სომხური მწვადი ადგილზე მოამზადეს.
ცენტრალურ პარკში და მიმდებარე ქუჩაზე სხვადასხვა ატრაქციონები იყო დამონტაჟებული.
“ხას ბახჩა” პარკში ეთნოგრაფიულმა მუზეუმმა ექსპონატებით პატარა კუთხე გააფორმა. პარკის მასშტაბით, სხვადასხვა კუთხეში გაიმართა სპორტული შეჯიბრებები „მხიარული სტარტები“, სადაც თავიანთი უნარ-ჩვევები გამოიჩინეს კარატისტებმა, მოჭადრაკეებმა, მოკრივეებმა და სხვებმა.
ასევე გაიმართა საპნის ბუშტების ჩვენება, სხვადასხვა ფორმის თიხის ფიგურების დახატვა, რომელიც შემდგომ ბავშვებმა აიღეს.
ასევე მოეწყო ახალგაზრდული ცენტრის ხელნაკეთი ნივთების გაყიდვის გამოფენა (დირექტორი შორენა თეთვაძე), „მომავლის სახლის“ და სომხური ახალგაზრდული ცენტრის (პასუხისმგებელი კარინე თადევოსიანი) ბავშვების ნამუშევრები, ახალქალაქის სამხატვრო სკოლის ბავშვებმა გამოფინეს თავიანთი ნამუშევრები, ასევე ბიბლიოთეკების გაერთიანებამ გამოფინა სხვადასხვა წიგნები.
ბავშვებს მედოლეების გუნდი და მულტფილმის პერსონაჟები ართობდნენ.
ახალქალაქის მოსახლეობას და ბავშვებს ძალიან მოეწონათ მოძრავი ანიმატორები. ანიმატორებთან ფოტოების გადასაღებად უფროსები და ბავშვები რიგში დგებოდნენ.
ადგილობრივო თვითმართველობის ხელმძღვანელობის ხელმძღვანელობით სტუმრები ყველას მაგიდას უახლოვდებოდნენ, აფასებდნენ და საქებარ სიტყვებს ეუბნებოდნენ.
