რამდენიმე დღეა ქალაქის ცენტრალურ ქუჩაზე შენობების ფასადის ნაწილებსა და ტროტუარებს არემონტებენ. კეთილმოწყობასთან ერთად გამწვანებაზე იზრუნებენ.

2021 წლის ივლისიდან ახალქალაქის ცენტრალურ ქუჩაზე შენობების ფასადის ნაწილი გარემონტდა, რაზეც საქართველოს ინფრასტრუქტურის სამინისტრო პროგრამის “განახლებული რაიონების” ფარგლებში მუშაობს.

IMG_3147_Original

წელს მერია 500 ნერგის მიღებას გეგმავს, რომელიც მთავარ ქუჩაზე დაირგვება.

„იმ მიღებული ხეების სიაც წარვადგინეთ, რომლებიც კლიმატურ პირობებს გაუძლებს. თითოეულ მუნიციპალიტეტს ხის ჯიშების სიას უგზავნიან, ჩვენ უკვე შევარჩიეთ და ახლა ადგილობრივი ბიუჯეტიდან სახელმწიფოს შემოწირულობას ველოდებით“, – აცხადებს მერი მელქონ მაკარიანი.

IMG_3145_Original

მისივე თქმით, ცენტრალური ქუჩის კეთილმოწყობის სამუშაოებს თანმიმდევრული ხასიათი ექნება.

„ორ დღეში პროექტის შემდგენებს ველოდებით, რომლებიც აქ დიდხანს დარჩებიან. მინდა ქალაქის მცხოვრებლებიც მოვიწვიოთ, რათა ორივე მხარემ თავიანთი იდეები გაგვაცნოს, ხოლო ცენტრალური ქუჩის კეთილმოწყობაზე პროექტის “განახლებული რაიონების”  ფარგლებში ვიმუშავებთ. ცენტრალური ქუჩის მოდერნიზაციისთვის ადგილობრივი ბიუჯეტიდან დიდი თანხის გამოყოფას ვგეგმავთ“, – ამბობს ის.

წინასწარი მონაცემებით, ცენტრალური ქუჩის განათება, ნერგების დარგვა, ტროტუარების ბუნებრივი ქვით მოპირკეთება იგეგმება. კულტურის სახლის გვერდით პატარა მოედანი მოეწყობა, დაიდგმება სკამები და უზრუნველყოფილი იქნება განათება.

შეგიძლიათ გაეცნოთ:

ქალაქის ცენტრალური ქუჩის კეთილმოწყობაზე მიმდინარეობს ინტენსიური სამუშაოები