სოფელ ალათუმანში 2019 წლიდან აშენებული სამედიცინო ცენტრი დღემდე არ არის უზრუნველყოფილი სამედიცინო აღჭურვილობითა და შესაბამისი ავეჯით. სოფელში ასევე არ არის სამედიცინო მუშაკი.
სოფელ ალათუმანში მდებარე სამედიცინო ცენტრის შესახებ JNEWS-ი ჯერ კიდევ მაისში წერდა. შემდეგ ჩვენთან სატელეფონო საუბარში მერის წარმომადგენელმა მარტიროს მარტიროსიანმა დაგვარწმუნა, რომ სამედიცინო აღჭურვილობა და ავეჯი დაახლოებით ერთ თვეში იქნება ხელმისაწვდომი. ჩვენ დღეს ვერ შევძელით მასთან დაკავშირება.
საზოგადოებრივი ჯანდაცვის ცენტრის დირექტორი სირანუშ ტონაკანიანი ამბობს, რომ ალათუმანის სამედიცინო ცენტრთან დაკავშირებით არანაირი პროექტი არ არსებობს.
„ჯერჯერობით არანაირი ქმედება არ არის მიღებული. ვფიქრობ, სოფელში, პირველ რიგში, ექთანი უნდა იყოს, რომ შენობა გაიხსნას და გამოიყენებულ იქნას. ალათუმანის ამჟამინდელი მედდა სოფელ ბეჟანოდან არის, აცრების დროს ჩადის ალათუმანში, დადის სოფელში სახლიდან სახლში, აცრებს აკეთებს. მას ფიზიკურად არ შეუძლია მუდმივად დარჩეს ალათუმანში“, – ამბობს ტონაკანიანი.
როგორც ის აღნიშნავს, ახალ სამუშაოებზე განაცხადები თბილისშია გაგზავნილი, ისინი პასუხს ელოდებიან.
ჯანდაცვის სამინისტროს ალათუმანსა და სხვა სოფლებში პირველადი სამედიცინო დახმარების პუნქტების აღჭურვაზე ელექტრონული ტენდერი უნდა გამოეცხადებინა, მაგრამ ეს არ გააკეთა. ახალქალაქის ჯანდაცვის ცენტრის დირექტორი აღნიშნავს, რომ დიდი ალბათობაა, სამინისტრო დაუყოვნებლივ მიიღებს და განახორციელებს ამ გადაწყვეტილებას.
შეგახსენებთ, რომ სოფელ ალათუმანში პირველადი სამედიცინო დახმარების პუნქტი აშენდა 2019 წელს „სოფლის მხარდაჭერის“ პროგრამის ფარგლებში. ბოლო სამი წლის განმავლობაში სამედიცინო ცენტრი არასდროს გამოუყენებიათ. ოთხ კედელში არ არის ავეჯი და სამედიცინო აღჭურვილობა. უფლებამოსილი ორგანოები ირწმუნებიან, რომ პირველადი სამედიცინო დახმარების პუნქტი უახლოეს მომავალში იმუშავებს.
2019 წელს „სოფლის მხარდაჭერის“ პროგრამის ფარგლებში ახალქალაქის რეგიონში 922 000 ლარი გამოიყო, საიდანაც 16 000 ლარი სოფელ ალათუმანს გადაეცა. სოფლის მცხოვრებთა და სოფლის სპეციალისტის ერთობლივი გადაწყვეტილებით, გადაწყდა სოფლის ერთ-ერთი აქტუალური საკითხის მოგვარება, რაც იყო პირველადი სამედიცინო დახმარების პუნქტის აშენება, რათა აცრა ან პირველადი დახმარება გაეწიათ. მაგრამ მედპუნქტი თავის მიზანს არ ემსახურება.
