რა მდგომარეობაში არიან საქართველოში კორონავირუსისგან გამოჯანმრთელებულ ბავშვები, ციციშვილის კლინიკაში ჩატარებულ კვლევასა და ბევრ სხვა საკითხზე Jnews-ს კლინიკის პედიატრი კონსტანტინე ჩახუნაშვილი ესაუბრა.
-რა არის ყველაზე გავრცელებული ეფექტები ბავშვებში, რომლებიც კორონავირუსისგან? გამოჯანმრთელდებიან
ამ თემაზე არამარტო საქართველოში, ზოგადად მსოფლიოში კვლევა ძალიან ცოტაა. რაც მე შევამჩნიე, ყველაზე დიდი პრობლემა ფსიქოლოგიური ეფექტებია, რომლებიც კოვიდის შემდეგ რჩება. სკოლაში ბავშვები კარგად ვერ ითვისებენ ახალ მასალებს და ა.შ. ჯერ კიდევ არსებობს არც თუ ისე გავრცელებული, მაგრამ ძალიან მავნე სინდრომი – მულტისისტემური ანთებითი სინდრომი, რომელიც მიმდინარეობს კავასაკის დაავადების მსგავსად, კიდევ უფრო გართულებულია და აზიანებს ორგანოებს: გული, სისხლძარღვები, შეიძლება გავლენა იქონიოს თირკმელებზე, ნებისმიერ სისტემაზე.
მულტისისტემური ანთებითი სინდრომი ბავშვებში და მოზარდებში ანთებითი პროცესია, რომელიც დაკავშირებულია COVID-19-თან. ეს გავლენას ახდენს სხეულის რამდენიმე სისტემაზე ერთდროულად. ბავშვებში შეიძლება გამოიწვიოს მაღალი (38,5°C და მეტი) ტემპერატურა, დაბალი არტერიული წნევა, ჟანგბადის ნაკლებობა და ზოგიერთ შემთხვევაში ორგანოს უკმარისობა.
-რა უნდა გაკეთდეს შედეგების თავიდან ასაცილებლად?
ყველა მშობელი უნდა გავაფრთხილოთ. თუ მათ შვილებს ჰქონდათ კოვიდი, ისინი უნდა იყვნენ ძალიან ყურადღებით და თუ რაიმე არ მოეწონათ, დაუყოვნებლივ მიმართონ ექიმს.
-ციციშვილის კლინიკაში ატარებთ კვლევას კორონავირუსის შედეგებზე 600 მცირეწლოვან პაციენტზე, რა ეტაპზეა იგი და რამდენ ხანს გასტანს?
პირველი ეტაპი უკვე დასრულებულია. მოვამზადეთ სამეცნიერო პუბლიკაციები. გამოქვეყნებისთანავე გადავალთ სხვა ეტაპზე. გვინდა ვიცოდეთ არა მხოლოდ 600 პაციენტის შესახებ, რომელიც ჩვენ შევისწავლეთ, არამედ ყველა იმ პაციენტის შესახებ, რომელიც გვყავდა ციციშვილის კლინიკაში, რთა გავაანალიზოთ ინფორმაცია. გვსურს დავურეკოთ ყველა იმ პაციენტს, ვინც ჩვენთან იმყოფებოდა, რათა დეტალურად ვიკითხოთ, ჰქონდათ თუ არა რაიმე სერიოზული გართულება. საჭიროების შემთხვევაში ჩავატარებთ კონკრეტულ კვლევას, რომ არაფერი გამოგვრჩეს.
-რა ასაკის ბავშვები მოხვდნენ კვლევაში?
0-დან 18 წლამდე, მაგრამ ყველაზე მეტად ჰოსპიტალიზირებული იყო 0-დან 5 წლამდე – 450 პაციენტი, 5 წელზე უფროსი ნაკლებად. მათ ძალიან იშვიათად ჰქონდათ გართულებები. კორონავირუსის ძალიან დადებითი მხარეა, რომ აგრესიული არ არის ბავშვებში.
