საქართველოს საავტომობილო გზების დეპარტამენტის ინფორმაციით, სტეფანწმინდის გავლით საქართველო-რუსეთის საზღვრამდე ავტოტრანსპორტის მოძრაობა დაშვებულია.
ყინულისა და თოვის გამო, მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია, ნათქვამია ანგარიშში.
მცხეთა-სტეფანწმინდა-ლარსის საავტომობილო გზა ამჟამად ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.
