Armenian      Russian

3 აგვისტოს, ახალქალაქის ცენტრალურ პარკში, სახალხო დამცველის თანასწორობის სამსახურის წარმომადგენლები ახალქალაქისა და ნინოწმინდის მედიისა და არასამთავრობო ორგანიზაციების წარმომადგენლებს შეხვდნენ. შეხვედრა დისკრიმინაციასთან დაკავშრებით ჩატარდა და ინფორმაციული ხასიათის იყო.

საინფორმაციო შეხვედრა სახალხო დამცველის აპარატის აღმოსავლეთ საქართველოს დეპარტამენტის უფროსმა გიორგი ტალახაძემ, თანასწორობის საკითხების დეპარტამენტის წარმომადგენლებმა ნინო კაშაკაშვილმა და ანა სალდაძემ და სახალხო დამცველის წარმომადგენელმა სამცხე-ჯავახეთში ანდრანიკ ბაღდასარიანმა ჩაატარეს. მათ შეხვედრა სომხურად თარგმნეს.

შეხვედრის მიზანი დისკრიმინაციის შესახებ შეკრებილთა ინფორმირება იყო. მათ სურდათ, შემდგომი შესწავლისა და ამ საკითხების სწორად განხილვისთვის, მედიისგან რეგიონში მომხდარი მსგავსი შემთხვევების შესახებ მონაცემების მიეღოთ. სახალხო დამცველის აპარატი ასეთ შეხვედრებს მისი საქმიანობის შესახებ ცნობიერების ასამაღლებლად აწყობს.

ნინო ქაშაკაშვილმა აუდიტორიას თანასწორობის დეპარტამენტის მუშაობის შესახებ აცნობა და აღნიშნა, რომ ისინი სხვადასხვა მიმართულებით მუშაობენ – ეთნიკური, რასობრივი, სოციალური მიზეზებით ან ენის არ ცოდნით გამოწვეული დისკრიმინაციის შემთხვევები.

მან ასევე აღნიშნა სამი  შემთხვევა, როდესაც სახალხო დამცველს მიმართავენ: პირის სქესთან დაკავშირებული საკითხები, შეზღუდული შესაძლებლობის მქონე პირთა დისკრიმინაცია და განსხვავებული აზრის ქონა.

ნინო ქაშაკაშვილის თქმით, ისინი მუშაობას იმ შემთხვევაში იწყებენ, თუ მათ მოქალაქეები მიმართავენ ან მედიაში ან სოციალურ ქსელებში დისკრიმინაციის შესახებ ინფორმაციას იღებებ.

”თუ დისკრიმინაცია სისტემური ხასიათისაა და რამდენიმე ადამიანთან მიმართებაშია, ჩვენ რეკომენდაციით მივმართავთ შესაბამის ორგანიზაციებს. ასევე შეგვიძლია სასამართლოსაც მივმართოთ”, – განმარტა ნინო ქაშაკაშვილმა.

2021 წელს სახალხო დამცველმა დისკრიმინაციასთან დაკავშირებით 113 საჩივარი მიიღო, რომელთაგან 21 საკითხით შესაბამის ორგანიზაციებს რეკომენდაციებისთვის მიმართა. ბოლო შემთხვევაში ომბუდსმენის რეკომენდაციები არ გათვალისწინდა და სასამართლოში მივიდნენ, სადაც საქმე მოიგეს. ყოველწლიურად სახალხო დამცველი გაწეული სამუშაოს შესახებ ანგარიშს ამზადებს, რომელშიც აღნიშნულია ორგანიზაციებისთვის გაცემული ყველა რეკომენდაცია და მათი შეუსრულებლობა, ასევე რამდენად მნიშვნელოვანი და აუცილებელი არიან ისინი.

ანა სალდასმა მათ განხილულ შემთხვევებზე ისაუბრა და აღნიშნა, რომ სამცხე-ჯავახეთში დისკრიმინაციული განცხადებები რეგისტრირებული არ იყო.

მსგავსი განცხადებები ქედის მუნიციპალიტეტში გაკეთდა, როდესაც სხდომის შემდეგ ერთ -ერთმა დეპუტატმა თქვა, რომ დარბაზში მხოლოდ მამაკაცები უნდა დარჩნენ – “ჩვენ სერიოზული საკითხები უნდა განვიხილოთ”. ასევე იყო დისკრიმინაციული განცხადებები საზოგადო მოღვაწის მამუკა ხაზარაძისგან, როდესაც ინფრასტრუქტურის მინისტრთან დაკავშირებით განაცხადა – ” შეუძლია უგემრიელესი ხაჭაპური მოამზადოს, მაგრამ ინფრასტრუქტურას ვერ გაუმკლავდეს”. შალვა ნათელაშვილმა გაუპატიურების კუთხის კოდექსის მუხლში ცვლილებების შეტანის საკითხის განხილვისას თქვა, რომ ხშირ შემთხვევაში სწორედ მსხვერპლი ახდენს მოძალადის პროვოცირებას.

გიორგი ტალახაძემ დაამატა, რომ სამცხე-ჯავახეთში ასეთი შემთხვევების შესახევ არ იციან, რადგან ამაზე არ საუბრობენ.

”შესაძლოა მათ არ იციან ვის უნდა მიმართონ. დღეს აქ ხალხის ინფორმირების მიზნით ვართ, რათა იცოდნენ ვის მიმართონ ასეთ შემთხვევებში. ვებ–გვერდი უკვე სომხურ ენაზე გვაქვს, სადაც ინფორმაცია ყოველდღიურად განახლდება “, – განმარტა გიორგი ტალახაძემ.