დღეს, 16 დეკემბერს, ახალქალაქის მუნიციპალიტეტში კორონავირუსის 8 ახალი შემთხვევა დაფიქსირდა. საერთო ჯამში, კორონავირუსის ეპიდემიის დაწყებიდან სამცხე-ჯავახეთში გამოვლენილია COVID-19 ინფექციის 3519 შემთხვევა, მათ შორის 280 ახალქალაქში და 132 ნინოწმინდაში.

როგორც სამცხე – ჯავახეთის გუბერნიის წარმომადგენელმა, გიორგი მიქელაძემ JNEWS– ს განუცხადა,  ბოლო 24 საათის განმავლობაში კორონავირუსის 76 ახალი შემთხვევა დაფიქსირდა,  აქედან 15 შემთხვევა – ახალციხეში, 5 – ადიგენში, 8 – ახალქალაქის მუნიციპალიტეტში, 40 – ბორჯომში, 2 – ნინოწმინდის მუნიციპალიტეტში, 6 – ასპინძაში.

საერთო ჯამში, რეგიონში 1111 ადამიანია იზოლირებული, აქედან 296 – ახალციხეში, 127 – ახალქალაქში, 261 –  ბორჯომში, 2 – ნინოწმინდაში, 140 – ასპინძაში და 293 – ადიგენში.

ბოლო 24 საათის განმავლობაში, სამცხე-ჯავახეთში 53 პაციენტი გამოჯანმრთელდა, კორონავირუსის ინფექციით გამოწვეული სიკვდილიანობა არ დაფიქსირებულა. საერთო ჯამში, რეგიონში 1,558 ადამიანი გამოჯანმრთელდა, 34 გარდაიცვალა.

ამ დროისთვის 73 ადამიანი ტესტის შედეგებს ელოდებიან.