5 აპრილს ნინოწმინდაში გაიმართა სასკოლო ჩოგბურთის რეგიონული ოლიმპიადა, სადაც ახალქალაქის მუნიციპალიტეტის გუნდებმა შთამბეჭდავი შედეგები აჩვენეს და ვერცხლის მედლები მოიპოვეს.
შეჯიბრში მონაწილეობდნენ ახალციხის, ასპინძის, ბორჯომის, ახალქალაქისა და ნინოწმინდის გუნდები. გამარჯვებულებმა მოიპოვეს უფლება, მონაწილეობა მიიღონ საქართველოს ჩოგბურთის ჩემპიონატში.
ახალქალაქის მუნიციპალიტეტს წარადგენდა სოფელ ზაკის სკოლის გუნდი, რომელიც 2026 წლის მუნიციპალური ჩემპიონატის გამარჯვებულია. ამ გუნდმა მუნიციპალურ შეჯიბრებებში პირველი ადგილი 2024 და 2025 წლებშიც დაიკავა. გუნდს სარგის მარგარიანი წვრთნის.
ნახევარფინალში ზაკის გუნდმა ახალციხელი და ასპინძელი მეტოქეები დაამარცხა. ფინალში ისინი ნინოწმინდის მუნიციპალიტეტის სოფელ ჟდანოვაკანის გუნდს დაუპირისპირდნენ, დამარცხდნენ და მეორე ადგილი დაიკავეს. პირველ ადგილზე ჟდანოვაკანის გუნდი გავიდა.
სოფელ ზაკის გუნდის შემადგენლობა:
ზურაბ ჰოვანისიანი
ანდრე გასაბიანი
წარუკ აღაბალიანი
არამაის პეტროსიანი
სოფელ სულდის გოგონათა გუნდი ასევე გავიდა ფინალში და მეორე ადგილი დაიკავა. გოგონებს შორის გამარჯვებული ნინოწმინდის მუნიციპალიტეტის სოფელ ოროჯალარის გუნდი გახდა.
ახალქალაქელი მონაწილეების ტრანსპორტირების ყველა ხარჯი ახალქალაქის მუნიციპალიტეტის ბიუჯეტიდან დაიფარა.
