ძლიერმა ქარმა, თოვლმა და ქარბუქმა ახალქალაქის მუნიციპალიტეტში ღამით მოძრაობა შეაფერხა და ზოგიერთ ადგილას სოფლის გზები მთლიანად გადაკეტა. გზის მოვლა-პატრონობის ტექნიკა ადგილზე მუშაობს, თუმცა, არახელსაყრელი ამინდის პირობების გამო, გზები კვლავ თოვლითაა დაფარული, იუწყება მუნიციპალიტეტი.
კომპანია „ჯავახ ავტო გზა“ სოფლის გზებს თოვლისგან წმენდს.
„ახლახან მივიღეთ ზარი სოფელ დადეშიდან. ტექნიკა გზაშია. ასევე მივიღეთ ინფორმაცია სოფელ ხორენიადან. ახლა ველოდებით ზარებს სხვა სოფლებიდან. ან ისინი დაგვიკავშირდებიან, ან ჩვენ თვითონ დავურეკავთ. ღამით ტექნიკა დადეშის, კომუნას და აზავრეთის მიმართულებით მუშაობდა“, – იუწყება მუნიციპალიტეტი.
ჩვენი ინფორმაციით, თითქმის ყველა სოფლის გზა, თუ არა გაუვალი, მაშინ ძნელად გასავლელია. მუნიციპალიტეტის პასუხისმგებელი პირის თქმით, მუნიციპალიტეტში მიმდინარე ქარბუქის გამო, თოვლის წმენდა არაეფექტურია ამინდის პირობების გაუმჯობესებამდე.
ახალქალაქი-კარწახის სახელმწიფო გზა გახსნილია.
