ევროკავშირის ლიდერები ვერ შეთანხმდნენ უკრაინისთვის გაყინული რუსული აქტივების გამოყენებით ფინანსური დახმარების გაწევის გეგმაზე. ამის ნაცვლად, უკრაინა ევროკავშირისგან მომდევნო ორი წლის განმავლობაში 90 მილიარდი ევროს ოდენობის სესხს მიიღებს.
სესხი ევროკავშირის ბიუჯეტიდან დაიფარება. მხოლოდ უნგრეთმა, სლოვაკეთმა და ჩეხეთმა არ აიღეს ვალდებულება.
უკრაინის დაფინანსების საკითხი ევროკავშირის ლიდერებმა 18 დეკემბერს ბრიუსელში გამართულ ევროპული საბჭოს სხდომაზე განიხილეს. რამდენიმე საათიანი მოლაპარაკებები გუშინ ღამით დასრულდა.
19 დეკემბერს, ევროპული საბჭოს პრეზიდენტმა ანტონიო კოსტამ X-ში დაწერა, რომ მიღებულია გადაწყვეტილება უკრაინისთვის 2026-2027 წლებში 90 მილიარდი ევროს დახმარების გაწევის შესახებ. ევროპული საბჭოს პრეზიდენტმა არ დააკონკრეტა, თუ როგორ განხორციელდებოდა ეს სქემა.
გერმანიის კანცლერმა ფრიდრიხ მერცმა ჟურნალისტებს განუმარტა, რომ 90 მილიარდი ევრო იყო უპროცენტო სესხი, რომელსაც უკრაინა დაფარავდა, თუ რუსეთისგან კომპენსაციას მიიღებდა. რუსული აქტივები გაყინული დარჩებოდა მანამ, სანამ რუსეთი ამ კომპენსაციას არ გადაიხდიდა.
რუსეთის მიერ უკრაინაში შეჭრის შემდეგ, ევროკავშირმა გაყინა 210 მილიარდი ევროს ოდენობის რუსული აქტივები. მათი უმეტესობა ბელგიაშია შენახული.
რუსეთმა დაიმუქრა, რომ ყველაზე მკაცრად უპასუხებს, თუ ევროკავშირი განახორციელებს გეგმას, რომელიც უკრაინას დახმარებას გაუწევს ევროპაში გაყინული რუსული აქტივების ხარჯზე.
