ახალქალაქში მთავარი ახალი წლის ზეიმი 26 დეკემბერს ქალაქის ცენტრალურ პარკში გაიმართება. ახალქალაქის მუნიციპალიტეტის ცნობით, ღონისძიება საქართველოს მთავრობის, კულტურის სამინისტროსა და „შემოქმედებითი საქართველოს“ მხარდაჭერით გაიმართება.
26 დეკემბერს, ზეიმი ახალქალაქის ცენტრალურ პარკში 15:00 საათზე ადგილობრივი ხალხური ცეკვის ანსამბლების კონცერტით დაიწყება.
16:30 საათზე ქალაქისა და სოფლების პატარა მაცხოვრებლები თოვლის ბაბუისგან საჩუქრებს მიიღებენ.
საახალწლო პროგრამა მოიცავს ბავშვებისთვის განკუთვნილ აქტივობებს, გასართობ ღონისძიებებს ანიმატორების მონაწილეობით და მუსიკალურ ნომრებს. ღონისძიების დროს ქალაქში მთავარი ახალი წლის ნაძვის ხე საზეიმოდ აინთება.
18:00 საათზე გაიმართება გალა-კონცერტი, რომელშიც მონაწილეობას მიიღებენ ქართული ესტრადის ვარსკვლავები.
კონცერტში მონაწილეობას მიიღებენ:
• „შვიდკაცა“
• „ჰერიო“
• დათო ილურიძის ჯგუფი
• გუფი ლენდი
• ნიკა წულუკიძე
ღონისძიება სადღესასწაულო ფეიერვერკით დასრულდება.
