ახალქალაქის მუნიციპალიტეტმა ახალქალაქის ცენტრალური სტადიონი დროებით გადასცა მუნიციპალური განვითარების ფონდს რემონტისთვის. საკრებულოს დეპუტატებმა ეს გადაწყვეტილება 24 ნოემბერს, საერთო კრებაზე დაამტკიცეს.
მუნიციპალური განვითარების ფონდი ახალქალაქის ცენტრალური სტადიონის რემონტს გეგმავს. თუმცა, რადგან ობიექტი მუნიციპალური საკუთრებაა, ფონდს არ აქვს იქ სამშენებლო სამუშაოების წარმოების უფლება. ამიტომ, მუნიციპალიტეტმა შესთავაზა მისი დროებით გადაცემა ფონდისთვის ერთი წლის ვადით, რემონტის განხორციელების უფლებით.
„ვინაიდან სტადიონი ჩვენი საკუთრებაა, მათ მშენებლობის განხორციელება არ შეუძლიათ. ჩვენ შევთანხმდით, რომ სამუშაოების შესრულების უფლება ერთი წლით დროებით გადაგვეცა, რათა მათ პროექტის განხორციელება შეძლონ. ჩვენ უფლებას გადავცემთ და არა საკუთრებას“, – განუმარტა ახალქალაქის მუნიციპალიტეტის ეკონომიკური განვითარების, დაგეგმარებისა და ქონების მართვის სამსახურის უფროსმა მნაცაკან ფამბუხჩიანმა დეპუტატებს სივრცითი დაგეგმარებისა და ინფრასტრუქტურის კომიტეტისა და მუნიციპალური ქონების, ბუნებრივი რესურსებისა და სოფლის მეურნეობის საკითხთა კომიტეტის ერთობლივ სხდომაზე.
გადაცემის ბოლო ვადაა 2026 წლის 26 დეკემბერი. ფონდი მსგავსი სტადიონების აშენებას სამ მუნიციპალიტეტში გეგმავს: ახალქალაქში, ახალციხესა და ადიგენში.
პროექტი ჯერ მზად არ არის, ამიტომ ზუსტი თანხა მოგვიანებით დადგინდება. თუმცა, ინფრასტრუქტურის, არქიტექტურისა და მშენებლობის სამსახურის უფროსის, არა მოვსესიანის თქმით, ფონდი დაახლოებით 5 მილიონი ლარის ღირებულების სტანდარტული ტიპის სტადიონის აშენებას გეგმავს. მან დასძინა, რომ მუნიციპალიტეტის წარმომადგენლები წინასწარ გაეცნენ წინასწარ ესკიზს.
„ისინი მოვიდნენ და ტერიტორია დაათვალიერეს. ჩვენი ძველი ტრიბუნები დარჩება, გასახდელების შენობასაც არ შეეხებიან. სტადიონის უკანა მხარეს ახალი შენობა აშენდება გასახდელებით, ადმინისტრაციული შენობებით და ყველა საჭირო ინფრასტრუქტურით“, – თქვა არა მოვსესიანმა.
თანხების უმეტესი ნაწილი საფეხბურთო მოედნის მშენებლობას მოხმარდება. ძველი ნიადაგი მთლიანად მოიხსნება, ზედაპირი დაიბეტონება და 55,5 მმ სისქის ხელოვნური საფარით დაიფარება. ძველი ტრიბუნები შენარჩუნდება და მათ წინ დამატებით 300 ადგილიანი ტრიბუნის დამონტაჟება იგეგმება. ტრიბუნა დაიფარება, ასევე დაგეგმილია სტადიონის კარიბჭეების შეკეთება და მიმდებარე ინფრასტრუქტურის მშენებლობა.
განხილვების დროს დეპუტატებმა შესთავაზეს ძველი ტრიბუნების შეკეთების პირობებში პუნქტის ჩართვა, რათა ისინი სტადიონის ახალ იერსახეს შეესაბამებოდეს.
ბიუროს სხდომაზე და კომიტეტებში განხილვისას ეს საკითხი დეპუტატებმა ცხარედ განიხილეს, რომლის დროსაც გამოითქვა წინადადება, რომ მგფ-ს წარმომადგენლებთან ერთად კვლავ ეწვიონ ადგილს და განიხილონ პროექტის დეტალები.
დღეს, 24 ნოემბერს, საკთებულოს სხდომაზე დეპუტატებმა ის მიიღეს.
