Jnews-მა შეადარა ახალქალაქისა და ნინოწმინდის 2025 წლის ბიუჯეტებში შემავალი სოციალური დახმარების პაკეტები და გამოყოფილი თანხის ოდენობა. მაგალითად, ხაზი გაუსვა იმას, თუ რამდენ ფინანსურ დახმარებას უწევენ ორი მეზობელი მუნიციპალიტეტი ოჯახებს, რომლებსაც საცხოვრებელი პირობების გაუმჯობესება სჭირდებათ.
აღსანიშნავია, რომ ახალქალაქის მუნიციპალიტეტის 2025 წლის ბიუჯეტში წერია, რომ სოციალური მომსახურება მიეწოდებათ მუნიციპალიტეტის ტერიტორიაზე რეგისტრირებულ და ფაქტობრივად მცხოვრებ საქართველოს მოქალაქეებს, საქართველოში მუდმივი ბინადრობის ნებართვის მქონე მოქალაქეებს (რომელთა საცხოვრებელი ადგილი მითითებულია ახალქალაქის მუნიციპალიტეტის მიერ გაცემულ ნებართვაში) და ახალქალაქის მუნიციპალიტეტის ტერიტორიაზე დროებით რეგისტრირებულ იძულებით გადაადგილებულ პირებს.
აქედან გამომდინარე:
ახალქალაქი
რთულ სოციალურ პირობებში მცხოვრები ოჯახების დახმარება საცხოვრებელი პირობების გასაუმჯობესებლად, საცხოვრებელი ფართის, დაუსახლებელი, დანგრეული სახლის/ბინის დაზიანების შემთხვევაში, სამუშაო ჯგუფის მიერ ადგილზე შეფასების შემდეგ, ერთჯერადი გადახდა 1500 ლარამდე.
ახალქალაქის მუნიციპალიტეტი მის ტერიტორიაზე მცხოვრებ მოსახლეობას აძლევს ერთჯერადი სოციალური დახმარების სახით საცხოვრებელი და არასაცხოვრებელი ფართის ხანძრის შედეგად მიყენებული ზიანის აღმოსაფხვრელად, საცხოვრებელი ფართისთვის 2000 ლარამდე, ხოლო არასაცხოვრებელი ფართისთვის არაუმეტეს 500 ლარისა.
ახალქალაქის მუნიციპალიტეტის ტერიტორიაზე რეგისტრირებულ და ფაქტობრივად მცხოვრებ ოჯახებს და/ან მოქალაქეებს, რომლებსაც არ აქვთ მუდმივი, განსაზღვრული საცხოვრებელი ადგილი, რის გამოც ისინი იძულებულნი არიან იცხოვრონ ღია ცის ქვეშ, არაადამიანურ პირობებში ან სხვა საცხოვრებლად შეუფერებელ ადგილას, უზრუნველყოფილი ეძლევათ დროებითი საცხოვრებელი ან ყოველთვიური ქირა არაუმეტეს 200 ლარისა.
ნინოწმინდა
ნინოწმინდის მუნიციპალიტეტის ტერიტორიაზე რეგისტრირებულ უსახლკარო ოჯახებს, რომლებსაც არ აქვთ საკუთრებაში და/ან არ აქვთ უძრავი ქონება მინიმუმ 2 წლის განმავლობაში, რომელთა სარეიტინგო ქულა არ აღემატება 65,000-ს და ჰყავთ 3 ან მეტი არასრულწლოვანი შვილი, ან რომლებიც შედგება 1 ან მეტი შეზღუდული შესაძლებლობის მქონე პირისგან, ეძლევათ ფინანსური დახმარება ყოველთვიურად 300 ლარის ოდენობით, ნაქირავები ბინის ქირის დასაფარად.
საწვავის შეძენა გაჭირვებული ოჯახებისთვის: ნინოწმინდის მუნიციპალიტეტში მცხოვრები სოციალურად დაუცველი ოჯახები, რომლებიც რეგისტრირებულნი არიან „სოციალურად დაუცველი ოჯახების ერთიან მონაცემთა ბაზაში“ და რომელთა სარეიტინგო ქულა არ აღემატება 65 000-ს, საცხოვრებელი პირობების გასაუმჯობესებლად (საწვავის შესაძენად) მიიღებენ ერთჯერად ფულად დახმარებას 150-დან 300 ლარამდე: 0-დან 30 001-მდე სარეიტინგო ქულებისთვის 300 ლარი, 30 000-დან 57 001-მდე სარეიტინგო ქულებისთვის 250 ლარი, 57 000-დან 62 001-მდე სარეიტინგო ქულებისთვის 200 ლარი, 62 000-დან 65 001-მდე სარეიტინგო ქულებისთვის 150 ლარი.
