რუსთავის ციხესიმაგრის ტერიტორიაზე მდებარე სასახლის არქეოლოგიური გათხრებისას IX-X საუკუნეებით დათარიღებული ჯაჭვის პერანგი აღმოაჩინეს.
არქეოლოგიური ექსპედიცია შუა საუკუნეებით დათარიღებულ სასახლეზე, რუსთავის მერიის ორგანიზებით, მიმდინარე წლის ივლისში დაიწყო.
ექსპედიციისას არქეოლოგებმა არაერთი მნიშვნელოვანი ექსპონატი აღმოაჩინეს, რომელთა შორისაა IX-X საუკუნეების მუზარადი. მუზარადი ამიერკავკასიაში ერთადერთია ამ პერიოდის საბრძოლო დანიშნულების არტეფაქტებს შორის.
