ოფიციალური ვებგვერდის teacherjobs.ge-ის მონაცემებით, 16 ოქტომბრისთვის, ახალქალაქის მუნიციპალიტეტის ექვს საჯარო სკოლაში სხვადასხვა საგნის პედაგოგის ვაკანსიაა გამოცხადებული. ვაკანსიები ეხება როგორც დაწყებით, ისე საშუალო კლასებს, ხოლო განაცხადების შეტანის ვადები 17 ოქტომბრიდან 31 ოქტომბრამდე პერიოდში იწურება.
სოფელ ბარალეთის №1 სკოლაში მე-9 კლასისთვის მათემატიკის მასწავლებელია საჭირო. განაცხადების შეტანის ბოლო ვადაა 29 ოქტომბერი.
სოფელ კოკიოს საჯარო სკოლაში გახსნილია კონკურსი ინგლისური ენის მასწავლებლის თანამდებობაზე 1-ლიდან მე-10 კლასის ჩათვლით. განაცხადების შეტანის ბოლო ვადაა 31 ოქტომბერი.
სოფელ გომანში ეძებენ კომპიუტერული ტექნოლოგიების მასწავლებელს (1-ლი, მე-3, მე-4 და მე-5 კლასები). განაცხადების მიღება 17 ოქტომბრამდე გრძელდება.
სოფელ სულდის საჯარო სკოლაში საჭიროა სპეციალური პედაგოგი და ასისტენტი სპეციალური საგანმანათლებლო საჭიროების მქონე ბავშვებთან სამუშაოდ. განაცხადების შეტანის ბოლო ვადაა 25 ოქტომბერი.
სოფელ კოთელიის სკოლაში ვაკანსიაა ფიზიკური კულტურისა და სპორტის მასწავლებლის პოზიციაზე 6–12 კლასებისთვის. განაცხადები მიიღება 19 ოქტომბრამდე.
სოფელ არაგვას საჯარო სკოლაში კი საჭიროა საგნის „ბუნებისმეტყველება“ მასწავლებელი მე-2, მე-3 და მე-4 კლასებისთვის. განაცხადების შეტანის ბოლო ვადაა 18 ოქტომბერი.
