შინაგან საქმეთა სამინისტრომ 4 ოქტომბერს, თბილისში მომხდარ მოვლენებთან დაკავშირებით 13 პირი დააკავა. ამის შესახებ შინაგან საქმეთა მინისტრის მოადგილემ, ალექსანდრე დარახველიძემ ბრიფინგზე ისაუბრა.
მისი თქმით, კიდევ ორი პირი იდენტიფიცირებულია და ამჟამად იმალება.
„როგორც საზოგადოებისთვის ცნობილია, 4 ოქტომბერს, თბილისში მომხდარ კრიმინალურ მოვლენებთან დაკავშირებით მიმდინარეობს გამოძიება საქართველოს სისხლის სამართლის კოდექსის 317-ე, 222-ე, 225-ე და 187-ე მუხლებით.
გამოძიების ფარგლებში, სამართალდამცველებმა თავდაპირველად დაადგინეს დანაშაულში მონაწილე 15 პირი, რომელთაგან 13 უკვე დაკავებულია სასამართლოს განჩინების საფუძველზე: თ.მ., ა.ნ., დ.ჟ., ბ.მ., ა.გ., ე.შ., გ.რ., ვ.პ., დ.ს., მ.მ., ა.ხ., კ.მ. და ს.მ.
„ორი პირი კვლავ თავისუფალია. პოლიცია ატარებს შესაბამის საგამოძიებო და ოპერატიულ ზომებს მათი ადგილსამყოფელის დასადგენად და დასაკავებლად.
„საქართველოს შინაგან საქმეთა სამინისტროს თანამშრომლები აგრძელებენ შესაბამის საგამოძიებო მოქმედებებს დანაშაულის ჩამდენი დარჩენილი პირების იდენტიფიცირებისა და მათი პასუხისგებაში მიცემის მიზნით“, – განაცხადა დარახველიძემ.
