ახალქალაქელი მარია აღასარიანი ერევნის რუსეთ-სომხეთის უნივერსიტეტის არაბული ენისა და ლიტერატურის დეპარტამენტის მესამე კურსის სტუდენტია. მან გაიმარჯვა კონკურსში და „რუსეთ-სომხეთის უნივერსიტეტის საუკეთესო სტუდენტად“ აღიარეს.
„ეს ჯილდო დიდი სტიმულია წინსვლისთვის, პროფესიული და პიროვნული ზრდისთვის და ყოველდღიურად ამ მაღალი აღიარების ღირსად სცადო“, – ამბობს მარია ჯილდოს კომენტირებისას.
ის წარადგინა აღმოსავლეთმცოდნეობის ინსტიტუტის დირექტორმა, გარნიკ ასატრიანმა და სტუდენტის ორწლიანი სწავლის განმავლობაში მიღწეულმა წარმატებებმა – მაღალმა შეფასებებმა და საერთაშორისო კონკურსებსა და კონფერენციებში აქტიურმა მონაწილეობამ – გადამწყვეტი როლი ითამაშა მის გამარჯვებაში.
„როგორც ორიენტალისტი, მიზნად დავისახე აღმოსავლური ენებისა და აღმოსავლური კულტურის სიღრმისეულად დაუფლება. ამჟამად ვსწავლობ არაბულსა და თურქულს. თუმცა, ჩემი საბოლოო მიზანია ამ ცოდნის დიპლომატიასა და საერთაშორისო ურთიერთობებში გამოყენება, ასევე აღმოსავლეთის შესახებ ცოდნის პოპულარიზაცია და გავრცელება, რათა ხალხებს შორის ურთიერთგაგების ხიდები ავაშენო“, – ამბობს მარია.
მარია აღასარიანი ახალქალაქის მე-2 საჯარო სკოლის კურსდამთავრებულია. 2021-2022 სასწავლო წელს ის FLEX პროგრამით აშშ-ში, მერივილის ერთ-ერთ სკოლაში სწავლობდა. დამთავრების შემდეგ, მარია ერევნის უნივერსიტეტში ჩააბარა.
ახალქალაქელი მოსწავლეები აშშ – ში FLEX პროგრამით მიდიან
