10 სექტემბერს, ახალქალაქში ორმაგი დღესასწაული იყო. ქალაქის დღის აღნიშვნის ფარგლებში, მუნიციპალიტეტის 2023-2024 სასწავლო წლის 92 კურსდამთავრებულს მაღალი აკადემიური მოსწრებისთვის მედალი გადაეცა.
ახალქალაქის სკოლების კურსდამთავრებულებს მედლები საზეიმოდ სამცხე-ჯავახეთის გუბერნატორმა ზაალ გელაშვილმა და საქართველოს განათლების მინისტრის მოადგილე ზვიად გაბისონიამ გადასცეს. ახალქალაქის მუნიციპალიტეტის 2023-2024 სასწავლო წლის სხვადასხვა სკოლის 59 კურსდამთავრებულმა ოქროს მედალი მიიღო. ასევე, 2023-2024 სასწავლო წლის 32 კურსდამთავრებულს ვერცხლის მედალი გადაეცა.
მათგან ბევრი უკვე საქართველოსა და სომხეთის სხვადასხვა უნივერსიტეტის სტუდენტია და ამ დღისთვის სპეციალურად ჩამოვიდნენ ახალქალაქში. ბევრმა ვერ შეძლო დაჯილდოების ცერემონიაზე დასწრება და მედლები მათმა ახლობლებმა მიიღეს.
