პატარა დავით პალოიანის ოჯახი მრავალშვილიანია. ოჯახში სხვადასხვა ასაკის კიდევ სამი არასრულწლოვანი იზრდება. დავითს ოპერაცია ესაჭიროება, რათა ნორმალურად შეძლოს სიარული, რადგან მას რაქიტი განუვითარდა. მშობლები ცდილობდნენ ფულის შეგროვებას ოპერაციისთვის, თუმცა ამ დრომდე ვერ მოახერხეს.
დავითი დაიბადა იმ წელს, როდესაც კორონავირუსი მძვინვარებდა მთელ მსოფლიოში. მიუხედავად იმისა, რომ დავითის დედას ორსულობის დროს COVID-19 დაემართა, ბავშვი ჯანმრთელი დაიბადა და 2-3 წლამდე ჯანმრთელობის პრობლემები არ ჰქონია. თუმცა, მალე მას ფეხებთან დაკავშირებული პრობლემები დაეწყო.
კლინიკურმა გამოკვლევამ დაადგინა, რომ ბავშვს რაქიტი აქვს – ეს არის ჩვილებისა და ადრეული ასაკის ბავშვების გავრცელებული პათოლოგია, რომელიც დაკავშირებულია ძვლოვანი ქსოვილის ფორმირებისთვის აუცილებელი მინერალების ნაკლებობასთან. რაქიტი „ზრდასთან დაკავშირებულ დაავადებად“ ითვლება, ვინაიდან ის ყველაზე ხშირად ორ თვიდან სამ წლამდე ასაკის ბავშვებზე ვრცელდება.
იმისათვის, რომ დავითმა ნორმალურად შეძლოს სიარული, მას ოპერაცია ესაჭიროება, რომლის ღირებულებაც დაახლოებით 1500 აშშ დოლარია. მშობლებმა სცადეს ამ თანხის დამოუკიდებლად შეგროვება და რუსეთში წავიდნენ ფულის საშოვნელად, მაგრამ ეკონომიკური კრიზისისა და მუდმივი სამსახურის არარსებობის გამო, მათ ვერ მოახერხეს საჭირო თანხის დაგროვება და იძულებულნი გახდნენ, შინ დაბრუნებულიყვნენ.
ოპერაციის ჩატარება დაგეგმილია სომხეთში, ქვეყანაში, სადაც ენობრივი ბარიერი არ არსებობს, რაც მშობლებისთვის ძალიან მნიშვნელოვანია. გარდა ამისა, დავითს აქვს როგორც სომხეთის, ასევე საქართველოს მოქალაქეობა, ხოლო სომხეთში მკურნალობის ხარჯების უმეტეს ნაწილს სახელმწიფო ფარავს.
პატარა დავით პალოიანის ოჯახი ყველა გულშემატკივარ ადამიანს სთხოვს, დაეხმარონ ოპერაციისთვის საჭირო თანხის შეგროვებაში, რაც ბავშვს ფეხზე დადგომისა და სიარულის დაწყების შესაძლებლობას მისცემს.
დახმარების მსურველებს თანხის გადარიცხვა შეუძლიათ შემდეგ ანგარიშზე:
TBC ბანკი
ანგარიშის ნომერი: GE50TB7822045061100108
მიმღები: სირანუშ პალოიანი
