24 წლის სომხეთის მოქალაქე ქობულეთში დაიხრჩო.
ტრაგიკული შემთხვევა 26 აგვისტოს მოხდა.
როგორც News.am-ი იუწყება, სერგეი ჰაკობიანი კოტაიქის რეგიონის სოფელ გარნიდან იყო. როგორც NEWS.am-ის კორესპონდენტს გარნის ადმინისტრაციულმა ხელმძღვანელმა, ტიგრან პოღოსიანმა განუცხადა, სერგეი ქობულეთში დასასვენებლად გაემგზავრა. მან არ იცის, ვისთან ერთად წავიდა და რა ვითარებაში მოხდა ინციდენტი.
როგორც ქართული გამოცემა „ბათუმელები“ იუწყება, შინაგან საქმეთა სამინისტროს ცნობით, გამოძიება საქართველოს სისხლის სამართლის კოდექსის 115-ე მუხლით დაიწყო.
