28 აგვისტოს საქართველოში მარიამობა აღინიშნება.
მართლმადიდებელი ეკლესია ყოვლადწმინდა ღვთისმშობლის მიძინების დღესასწაულს აღნიშნავს. ამასთან დაკავშირებით ეკლესიებში წირვა-ლოცვა აღევლინება.
დღევანდელი დღე მოიხსენიება, როგორც ღვთისმშობლის გარდაცვალების დღე. ეს სევდიანი მოვლენაა, ვინაიდან დღეს ღვთისმშობლის ცხოვრების გზა დასრულდა, მაგრამ ამავე დროს, ეს სიხარულის დღეცაა, რადგან სწორედ დღეს შეერთდა იგი თავის ძესთან.
ღვთისმშობლის მიძინების დღესასწაულს წინ უძღოდა ორკვირიანი მარხვა, რომელიც 14 აგვისტოს დაიწყო. ეკლესიის ისტორიაში ამ მარხვის დაწყების ზუსტი თარიღი უცნობია. ასევე უცნობია, თუ როდიდან აღინიშნება მარიამობა.