26 აგვისტოდან მოყოლებული, აღმოსავლეთ საქართველოში ატმოსფერულ ჰაერში შეინიშნება მყარი ნაწილაკების (PM10 და PM2.5) კონცენტრაციის ზრდა. ამის შესახებ ინფორმაციას გარემოს ეროვნული სააგენტო ავრცელებს.
არსებული მონაცემებით, ეს პროცესი ტრანსსასაზღვრო ხასიათისაა და განპირობებულია ჩრდილო-აღმოსავლეთიდან უდაბნოს მტვრის მასების სუსტი გავრცელებით.
საქართველოს გარემოს დაცვისა და სოფლის მეურნეობის სამინისტროს გარემოს ეროვნული სააგენტო აგრძელებს ატმოსფერული ჰაერის ხარისხის მონიტორინგს ავტომატური სადგურების მეშვეობით.
ყველა დაინტერესებულ პირს შეუძლია გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანმრთელობისთვის სასარგებლო რეკომენდაციები გარემოს ჰაერის ხარისხის პორტალზე.
პორტალის მიხედვით, ახალქალაქში ჰაერის ხარისხი ფასდება როგორც „კარგი“ და „ძალიან კარგი“.
