შემოდგომაზე, 4 ოქტომბერს დაგეგმილმა არჩევნებმა ჯერჯერობით ბევრ სოფელში არ გამოიწვია მღელვარება. ბევრმა იცის, როდის და რა სახის არჩევნები იმართება, მაგრამ საკუთარი სოფლის დეპუტატს ჯერ არ შეხვედრიან.
ჩვენ ვიყავით სოფლებში ჩამდურა, მურჯახეთი და ვაჩიანი, რათა გაგვერკვია, რას ფიქრობენ ადამიანები მოახლოებულ არჩევნებზე.
სოფელ მურჯახეთის მკვიდრმა განაცხადა, რომ იცის არჩევნების ჩატარების შესახებ და რა ტიპის არჩევნებია, მაგრამ ზუსტი თარიღი არ იცოდა.
„არც კი ვიცი, როდის ტარდება არჩევნები“, — განაცხადა მურჯახეთის მაცხოვრებელმა, ანჟელა ჯორუღიანმა.
მაცხოვრებელი ჯერ არ შეხვედრია დეპუტატობის კანდიდატს. როდესაც არჩევნებსა და კანდიდატზე ვკითხეთ, გვერდიდან მეორე მცხოვრებმა თქვა: „უთხარით, ასფალტი დაგვიგონ, ასფალტი არ გვაქვს, მხოლოდ მურჯახეთის სოფელში არ არის ასფალტი“.
სოფელ ჩამდურაში ხალხი თავისი ყოველდღიური სასოფლო-სამეურნეო საქმიანობით — მარცვლეულის აღებითა და კარტოფილის მინდვრების მორწყვით — იყო დაკავებული. არჩევნებთან დაკავშირებულ კითხვებზე პასუხის გაცემა ერთ-ერთმა მცხოვრებმა ანონიმურად მოისურვა.
ჟურნალისტის კითხვაზე, თუ რა ინფორმაცია ჰქონდა არჩევნების შესახებ, მან ხუმრობით უპასუხა: „რისი არჩევანი აქვს სოფლელ ადამიანს, მთელი დღე მინდვრებში ვართ“. მცხოვრებლებმა აღნიშნეს, რომ დეპუტატს ჯერ არ შეხვედრიან, მაგრამ იციან, როდის და რა სახის არჩევნები გაიმართება. მისი თქმით, არჩევნებში ყველა მონაწილეობს და ხმას აძლევს.
ვაჩიანის მაცხოვრებელმა, რომელმაც ასევე ანონიმურად დარჩენა მოისურვა, თქვა, რომ არჩევნების შესახებ ინფორმირებულია.
„ვიცი, რომ არჩევნები 4 ოქტომბერსაა. თავიდან ინტერნეტიდან შევიტყვე. დეპუტატს ვიცნობ“, — განაცხადა მან.
რაც შეეხება მოლოდინებს, მცხოვრებმა უპასუხა: „იმედი მაქვს, გვექნება მშვიდობიანი არჩევნები, რომლის შედეგადაც ქვეყანა უფრო განვითარდება“.
შეგახსენებთ, რომ წელს ახალქალაქის მუნიციპალიტეტის ერთ-ერთი მაჟორიტარული ოლქი ვაჩიანის მაჟორიტარული ოლქია, რომელიც მოიცავს სოფლებს: ვაჩიანი (№22), ჩამდურა (№23) და მურჯახეთი (№24). ბოლო არჩევნებში ვაჩიანის საარჩევნო ოლქი კუმურდოს საარჩევნო ოლქს შეუერთდა. ამ არჩევნებზე კი ვაჩიანი გამოეყოფა და ცალკე მაჟორიტარულ ოლქად ჩამოყალიბდება.
ფენია თოროსიან
