ტრანზიტული სატვირთო მანქანებიდან საქართველოს შემოსავლები კვლავ მცირდება. ამის შესახებ bm.ge სახელმწიფო ხაზინის მონაცემებზე დაყრდნობით იუწყება.
2025 წლის იანვარ-ივლისში ქვეყანაზე 277 ათასმა საერთაშორისო სატვირთო მანქანამ გაიარა, რამაც ბიუჯეტში დაახლოებით 97 მილიონი ლარი შემოიტანა. წინა წლის ანალოგიურ პერიოდთან შედარებით, შემოსავალი 6%-ით, ანუ 5.8 მილიონი ლარით შემცირდა. საქართველოს გზებზე თითქმის 17 ათასი სატვირთო მანქანით ნაკლებმა იმოძრავა, ვიდრე წინა წლის ანალოგიურ პერიოდში.
მხოლოდ ივლისში საქართველოს გავლით 39.8 ათასმა სატვირთო მანქანამ იმოძრავა, რამაც ბიუჯეტში 13.9 მილიონი ლარი შემოიტანა. ერთი სატვირთო მანქანის ტრანზიტის ნებართვის ღირებულება 350 ლარი რჩება.
ტრანზიტიდან შემოსავლების კლება ზედიზედ მეორე წელია ფიქსირდება. 2024 წლის იანვარ-ივლისში გადასახადებმა 102.8 მილიონი ლარი შეადგინა, 2023 წელს კი – 101.9 მილიონი ლარი.
