2026-27 სასწავლო წლისთვის FLEX პროგრამაზე რეგისტრაცია დაიწყო, განაცხადის შეტანის ბოლო ვადაა 2025 წლის 23 სექტემბერი.
FLEX პროგრამა ამერიკის შეერთებული შტატების მთავრობის მიერ სრულად დაფინანსებული სასტიპენდიო პროგრამაა. გაცვლითი პროგრამა მოსწავლეებს აძლევს შესაძლებლობას, ისწავლონ ამერიკულ სკოლაში და იცხოვრონ ამერიკულ მასპინძელ ოჯახში ერთი აკადემიური წლის განმავლობაში.
პროგრამაში მონაწილეობის მსურველმა მოსწავლეებმა უნდა დააკმაყოფილონ შემდეგი კრიტერიუმები:
დაბადებული უნდა იყვნენ 2009 წლის 1-ლი იანვრიდან 2010 წლის 31 დეკემბრის ჩათვლით.
უნდა სწავლობდნენ მე-9, მე-10 ან მე-11 კლასში.
უნდა იყვნენ საქართველოს მოქალაქეები.
ბოლო 5 წლის განმავლობაში შეერთებულ შტატებში 90 დღეზე მეტხანს არ უნდა უცხოვრიათ.
უნდა აკმაყოფილებდნენ აშშ-ის სავიზო მოთხოვნებს.
შეზღუდული შესაძლებლობის მქონე მოსწავლეებისთვის კრიტერიუმები:
დაბადებული უნდა იყვნენ 2008 წლის 15 თებერვლიდან 2011 წლის 15 ივლისამდე.
უნდა სწავლობდნენ მე-8, მე-9, მე-10, მე-11 ან მე-12 კლასში.
სასტიპენდიო პროგრამაში მონაწილეობის მსურველები უნდა დარეგისტრირდნენ შემდეგ ბმულზე.
განაცხადების შევსება შეგიძლიათ 23 სექტემბრამდე.
ხაზგასმით აღვნიშნავთ, რომ მონაწილეებმა განაცხადი უნდა შეავსონ თავიანთი მოქალაქეობის ქვეყნიდან.
როგორ არჩევენ მონაწილეებს?
მონაწილეები სამი ეტაპით ირჩევიან:
ეტაპი 1. პირადი მონაცემები და 3 ესე.
ეტაპი 2. მოკლე (15 წუთიანი) ტესტი ინგლისურ ენაზე.
ეტაპი 3. შეხვედრა მშობლებთან, ინგლისური ენის ტესტი, დამატებითი ესეები, განაცხადი, გასაუბრება.
პროგრამის შესახებ დამატებითი ინფორმაციისთვის ეწვიეთ შემდეგ ბმულს.
