14-16 აგვისტოს, თურქეთის ქალაქ ყარსში, კიქბოქსინგის საერთაშორისო ტურნირი გაიმართა ახალგაზრდებს შორის. მასში ჯავახეთიდან 9 სპორტსმენი მონაწილეობდა, რომელთაგან შვიდი ჩემპიონის ქამრით დაბრუნდა შინ.
ტურნირში მონაწილეობდნენ სპორტსმენები საქართველოს, სომხეთის, აზერბაიჯანის, თურქეთის, ირანისა და ავღანეთის ნაკრებებიდან.
ტურნირში ჯავახეთიდან ცხრა სპორტსმენი მონაწილეობდა, მათ შორის სამი ახალქალაქიდან და ექვსი ნინოწმინდის მუნიციპალიტეტიდან. მათგან შვიდმა ჩემპიონატის ქამრები მოიპოვა, რომლებიც ამ ტურნირზე ტრადიციული მედლების ნაცვლად გაიცა. მონაწილეობდნენ 2014 წელს და უფროსი ასაკის სპორტსმენები.
ახალქალაქელი სპორტსმენების შედეგები:
სარგის ტონაკანიანი – 1 ადგილი
სერჟ სარგსიანი – 1 ადგილი
ანდრანიკ მარაბიანი – 2 ადგილი
ნინოწმინდელი სპორტსმენების შედეგები:
ნარეკ პოდოსიანი – 1 ადგილი
ალბერტ პოდოსიანი – 1 ადგილი
აკოპიკ ხაჩატურიანი – 1 ადგილი
არტიუშ ერზნკიანი – 1 ადგილი
ყველა სპორტსმენს სერგეი ტონაკანიანი წვრთნის. მან მადლობა გადაუხადა სპონსორებს, მშობლებს და ახალქალაქის მუნიციპალიტეტს მხარდაჭერისთვის და აღნიშნა, რომ მათი დახმარების გარეშე შეჯიბრში მონაწილეობა შეუძლებელი იქნებოდა.
